Svajaki aryštavanaha pradprymalnika admaŭlajucca ad kantaktaŭ ź jaho kalehami i presaj.
Svajaki aryštavanaha pradprymalnika admaŭlajucca ad kantaktaŭ ź jaho kalehami i presaj.
Pradprymalnika Michaiła Šavielzona, jaki źjaŭlajecca hanarovym vice-staršyniom Biełaruskaha sajuzu pradprymalnikaŭ, aryštavali 3 červienia. Pra heta stała viadoma ź litoŭskich ŚMI, u pryvatnaści litoŭski partał Delfi paviedamlaŭ tady pra aryšt u Miensku žychara Vilni Hintasa Zehierysa, jaki zajmaŭsia biznesam u Biełarusi, i jahonaha dziełavoha partnera Michaiła Šavielzona. Paźniej stała viadoma, što zatrymanyja znachodziacca ŭ śledčym izalatary KDB. Biznesoŭcaŭ nibyta źvinavacili ŭ pasiarednictvie dačy chabaru.
Jak raspavioŭ hanarovy staršynia Biełaruskaha sajuzu pradprymalnikaŭ Alaksandar Patupa, daviedacca pra siońniašni los Michaiła Šavelzona vielmi nia prosta.
«My nia majem navinaŭ pra jaho faktyčna ź lipienia, viadoma tolki toje, što suprać jaho raspačataja kryminalnaja sprava, i što znachodziŭsia jon, prynamsi ŭ lipieni, u turmie KDB».
Pa słovach sp. Patupy, kalehi biznesoŭca nia mohuć navat akazać jamu choć niejkuju dapamohu, bo sutykajucca z admovaj z boku jaho rodnych. Nie viadoma navat, chto z advakataŭ jaho baronić. Adzinaje, što Sajuz pradprymalnikaŭ zrabiŭ dla Šavielzona na prośbu jahonaj siamji — skłaŭ na jaho charaktarystyku dla śledztva.
Raniej sajt «Biełorusskij partizan» paviedamlaŭ pra admovu žonki pradprymalnika razmaŭlać z žurnalistami na temu jahonaha aryštu, a hazeta «Narodnaja vola» pisała pra toje, što spravu Šavielzona i Zehierysa pieradali u sud Frunzienskaha rajonu Miensku.
M.Šavelzon źjaŭlajecca kiraŭnikom praŭleńnia kaaperatyvu «Techenerhaservis». Byŭ taksama daradcam staršyni Savietu Respubliki Nacyjanalnaha schodu Biełarusi.
Kamientary