ZŠA vyrašyli vysłać 15 kubinskich dypłamataŭ, zajaviŭšy, što kubinskija ŭłady nie zmahli zabiaśpiečyć abaronu rabotnikaŭ amierykanskaha pasolstva ŭ Havanie ad zahadkavych akustyčnych uździejańniaŭ, paviedamlaje VVS.
Ministr zamiežnych spraŭ Kuby Bruna Radryhies nazvaŭ heta rašeńnie nieprymalnym.
Hety krok z boku dziaržaŭnaha departamienta ZŠA rušyŭ uśled za adklikańniem bolšaj častki supracoŭnikaŭ amierykanskaj ambasady ŭ kubinskaj stalicy.
Bolš za 20 amierykanskich supracoŭnikaŭ ambasady paciarpieli ad zahadkavych akustyčnych napadaŭ za apošnija niekalki miesiacaŭ.
«Heta rašeńnie było pryniataje ŭ vyniku niazdolnaści Kuby pryniać nieabchodnyja miery pa abaronie našych dypłamataŭ u adpaviednaści sa svaimi abaviazalnictvami pa Vienskaj kanviencyi. Hety krok zabiaśpiečyć roŭnaść u našych dypłamatyčnych suviaziach», — havorycca ŭ zajavie dziaržsakratara ZŠA Reksa Tylersana, vypuščanaj u aŭtorak.
Kubinskim dypłamatam dali siem sutak na zbory. Ministr zamiežnych spraŭ Kuby nazvaŭ heta rašeńnie nieapraŭdanym.
Kamientary