Zdradu partniora možna vyznačyć pa hołasie, śćviardžajuć navukoŭcy
Navukoŭcy z Ołbrajtskaha kaledža vyśvietlili, što pa hołasie čałavieka možna vyznačyć jaho schilnaść da zdrady, paviedamlajuć ŚMI.
Dla ekśpierymientu navukoŭcy zapisali hałasy dziesiaci mužčyn i dziesiaci žančyn — hieterasieksualnych ludziej jeŭrapieoidnaje rasy, jakija nie znachodziacca ŭ šlubie. Pałova ŭdzielnikaŭ zdradžvała svaim pałavinkam, tady jak astatnija zachoŭvali partnioram viernaść. Ich paprasili paličyć da dziesiaci.
Zapisy dali prasłuchać hrupie sa 152 vałancioraŭ i paprasili ich vyznačyć, jakija hałasy naležać «zdradnikam». Dla hetaha vykarystoŭvałasia škała ad adnaho (nie schilnyja da zdrady) da dziesiaci (vielmi schilnyja).
Paddoślednym udałosia na dziva dakładna vyznačyć niaviernych partnioraŭ.
Navukoŭcy taksama adznačajuć, što vałanciory čaściej abvinavačvali ŭ zdradach mužčyn. Pry hetym žančyny prajaŭlali padazronaść i stavili bolš vysokija bały, čym mužčyny.
Navukoŭcy ličać, što ŭdzielniki ekśpierymientu reahavali na vyraznyja intanacyi i adsutnaść paŭzaŭ u havorcy — hetyja charaktarystyki, ułaścivyja ekstraviertam, usprymalisia jak prykmieta niaviernaści. Akramia hetaha, z ryzykaj zdrady asacyjavałasia nievyraznaje mužčynskaje maŭleńnie.
Nizkija hałasy — jak mužčynskija, tak i žanočyja — čaściej za ŭsio vyklikali padazreńni. Mužčyny pry hetym čaściej pamyłkova abvinavačvali nieznajomak ź nizkim hołasam u niaviernaści, čym žančyny.
Navukoŭcy źviazvajuć heta z tym, što pradstaŭniki mocnaha połu ličać nizki tembr hołasu ŭ žančyn kakietlivym i seksualnym.
-
Viadučaja «Obyčnoho utra» Maryna Mientusava raskazała, što ŭ jaje «jość šmat dykpikaŭ ad viadomych mužčyn». Pra što jana?
-
«A dzie ž baćka dziciaci?» Fotamastačka Lina Drejk — pra niaŭdały šlub, status adzinočki i kryŭdnyja pytańni na spatkańniach
-
Vobraz mača ŭžo nie ŭ modzie: jak pakaleńnie Z abiraje partniora
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie22
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie2
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary