Prezident Vieniesueły Nikałas Madura, kamientujučy pramovu Donalda Trampa ŭ Hienasamblei AAN, paraŭnaŭ amierykanskaha prezidenta z Hitleram.
Na vystupie ŭ AAN Donald Tramp nazvaŭ aficyjnaje kiraŭnictva krainy «tatalitarnym režymam». U adkaz Madura abvinavaciŭ ZŠA ŭ ahresiŭnaj zamiežnaj palitycy i nazvaŭ amierykanskaha prezidenta «novym Hitleram».
Akramia taho, jak pieradaje El Nacional, Madura raspavioŭ, što padčas abiedu ź lidarami łacinaamierykanskich dziaržaŭ Tramp pahražaŭ jaho zabić.
«Kali jany kali-niebudź što-niebudź sa mnoj zrobiać, jany buduć kajacca na praciahu stahodździa, bo naš narod budzie hatovy da bitvy», - zajaviŭ Madura padčas «antyimpieryjalistyčnaha maršu» kala svajoj aficyjnaj rezidencyi ŭ Karakasie.
Na vystupie ŭ AAN Tramp abvinavaciŭ aficyjnyja ŭłady Vieniesueły ŭ «razbureńni kvitniejučaj nacyi» i pieraśledzie ułasnaha naroda. Pry hetym jon padkreśliŭ, što sankcyi, jakija Vašynhton uvioŭ suprać Madura i jaho atačeńnia, nie buduć źniatyja, pakul Vieniesueła nie vierniecca na demakratyčny šlach raźvićcia, pieradaje rbc.ru.
Kamientary