U vyniku vybuchaŭ na zatoplenym chimičnym zavodzie kampanii Arkema za 30 kiłamietraŭ ad zatoplenaha Chjustana ŭ pavietra patrapili chimičnyja rečyvy. Pra heta zajavili miascovyja ŭłady, piša VBS.
Raniej paviedamlałasia pra čorny dym, jaki ŭźnimajecca nad terytoryjaj pradpryjemstva.
Adzin z supracoŭnikaŭ palicyi trapiŭ u balnicu paśla ŭdychańnia taksičnych paroŭ. Jašče dzieviać palicejskich prachodziać miedycynskuju pravierku. U kampanii Arkema miarkujuć, što niedamahańnie vyklikanaje «nietaksičnym razdražnialnikam».
Žycharoŭ damoŭ u radyusie 1,5-2 kiłamietraŭ ad zavodu evakujavali z-za ryzyki vybuchaŭ i pažaru.
Raniej u kampanii papiaredžvali, što zavod rana ci pozna vybuchnie ci zaharycca z-za zatoplenych hienierataraŭ.
Zavod Arkema znachodzicca za 34 kiłamietry ad Chjustana ŭ horadzie Krośbi, jon spyniŭ pracu ŭ piatnicu, jašče da pačatku ŭrahanu.
Adnak z-za bahatych apadkaŭ, jakija prynios urahan «Charvi», jaho terytoryju zatapiła i elektrazabieśpiačeńnie akazałasia pierapynienym, paviedamili ŭ kampanii. Reziervovyja hienieratary taksama zatoplenyja. U vyniku sistema astudžeńnia zavoda akazałasia abiastočanaj.
Zavod vyrablaje arhaničnyja pieraksidy, jakija vykarystoŭvajucca ŭ roznych śfierach — ad farmaceŭtyčnaj da budaŭničaj. Pry vysokich tempieraturach jany mohuć być niebiaśpiečnyja dla zdaroŭja.
Nacyjanalnaja mietearałahičnaja słužba ZŠA paniziła status urahanu «Charvi» da nižejšaha — «trapičnaj depresii», adnak sinoptyki praciahvajuć prahnazavać mocnyja daždžy nad uschodnim Techasam i zachodniaj Łuizijanaj.
Raniej kiraŭnik kampanii Arkema zajaŭlaŭ, što patencyjny pažar naŭrad ci pierakiniecca za terytoryju zavoda, adnak žychary akruhi Charys u radyusie 2,4 km vakoł zavoda byli evakujaavanyja ŭ jakaści miery zaściarohi.
Apieracyja ŭ Chjustanie
U samim Chjustanie praciahvajecca vyratavalnaja apieracyja — uzvody pažarnych pračesvajuć zatoplenyja kvartały ŭ pošukach tych, chto vyžyŭ.
U apieracyi biaruć udzieł 10 tysiač sałdat Nacyjanalnaj hvardyi ZŠA, jašče 14 tysiač, jak čakajecca, nieŭzabavie prybuduć u Chjustan.
U vyniku nastupstvaŭ urahanu «Charvi» va ŭschodnim Techasie zahinuli 33 čałavieki, paviedamili pradstaŭniki miascovaj ułady.
Mnohija rajony štata całkam zatoplenyja. Zatoplenaja i vialikaja častka Chjustana, čaćviortaha pa vieličyni horada ŭ ZŠA.
Bolš za 32 tysiačy čałaviek žyvuć u centrach časovaha raźmiaščeńnia.
Ciapier čytajuć
Tamara Vińnikava pradała svoj łondanski dom, zaviešany karcinami samoj siabie ŠMAT FOTA22
Kamientary