Dniom 18 lipienia ŭ niezačynieny dom u vioscy Kažuchoŭcy Dziatłaŭskaha rajona pad vyhladam sacyjalnaha rabotnika pranikła žančyna.
Jana raspaviała, što praviaraje pobytavyja ŭmovy piensijanieraŭ, jakija žyvuć samotna, paśla starym nibyta danaličać nadbaŭku da piensii. Žančyna prapanavała 86-hadovaj haspadyni pakazać, ci zachoŭvajucca ŭ domie hrašovyja srodki. Vyśvietliŭšy, dzie zachoŭvajucca źbieražeńni, žančyna pakinuła žyllo, zatym tajna viarnułasia i skrała 250 rubloŭ.
Pa fakcie kradziažu śledčyja raspačali kryminalnuju spravu, vyśvietlili asobu padazravanaj. Heta była 33-hadovaja žycharka Słonima, jakaja znachodzicca ŭ sacyjalnym adpačynku pa dohladzie za dziećmi. Dziaciej u jaje siamiora.
U śledčych źjaviłasia infarmacyja ab dačynieńni padazravanaj da ździajśnieńnia jašče dvuch anałahičnych złačynstvaŭ, učynienych u dvuch rajonach Hrodzienskaj vobłaści. Z chaty ŭ vioscy Začepičy Ščučynskaha rajona ŭ 54-hadovaj piensijanierki byli vykradzieny 920 dalaraŭ ZŠA, 50 rubloŭ, 5 załatych vyrabaŭ i 2 załatyja maniety. A z chaty ŭ vioscy Łaŭrynovičy Śvisłackaha rajona ŭ 90-hadovaj žančyny skrali 50 rubloŭ, paviedamlaje SK.
Akramia taho, ustanoŭlena dačynieńnie žančyny da sproby zavałodańnia šlacham padmanu 350 rublami 79-hadovaha piensijaniera ź vioscy Frankova Zelvienskaha rajona. Padazravanaja raspaviadała achviary, što nibyta zajmajecca strachavańniem. Ciapier žančynu vinavaciać u machlarstvie.
Uličvajučy, što na ŭtrymańni ŭ padazravanaj znachodziacca siamiora dziaciej, miera strymańnia ŭ dačynieńni da jaje nie abirałasia.
«Dyk dadomu zabiary ałkaša abascanaha i vychodžvaj». Małady zahadčyk adździaleńnia balnicy nie strymlivaje siabie ŭ vyrazach u sacsietkach24
Kamientary