Milicyja likvidavała namiotavy łahier pratestoŭcaŭ u Baraŭlanach
Žychary Baraŭlanaŭ pratestujuć suprać vysiakańnia lesu, budaŭnictva ściokavaha kalektaru i prakładki novaj šašy pobač z damami. Ich padtrymali nasielniki pasiołkaŭ Leskaŭka, Lasny i Dośledny.
Spantannyja vystupy pačalisia jašče viasnoj, adnak zabudoŭniki pratesty praihnaravali. Hieneralny dyrektar ŽKH Mienskaj vobłaści Valery Sadkoŭ, jaki adkazvaje za vykanańnie rabot, arhumentavaŭ, što prajekt budaŭnictva ściokavaha kalektaru prajšoŭ dziaržaŭnuju ekspertyzu i atrymaŭ usie naležnyja ŭzhadnieńni adpaviednych ustanovaŭ.
Analahičnyja zajavy hučali i pra budaŭnictva darohi, asobnyja ŭčastki jakoj buduć prakładzienyja praz dvary i damy pryvatnych ułaśnikaŭ.
Napiaredadni ŭ baraŭlanskim lesie paŭstała namiotavaje miastečka. Adnak doŭha prastajać nie ŭdałosia: jak raskazała adna z aktyŭnych udzielnic supracivu spadarynia Maryna, siońnia milicyja razabrała lahier, zabrała raściažki:
«Ciapier usio čysta, ničoha niama, nijakich śladoŭ. Pakolki pracoŭny dzień, praktyčna nikoha z žycharoŭ tam nie było. Milicyjanty spakojna pryjšli, akuratnieńka ŭsio skrucili, navat z drevaŭ plakaty pazdymali. Darečy, nijakich drennych nadpisaŭ tam nie było, usie z dobrym pasyłam — kštałtu «Bieražycie les». Dyk voś, usio zabrali i źjechali ŭ nieviadomym kirunku».
Ci adnovicca stychijny lahier nanoŭ, surazmoŭca prahnazavać nie biarecca. Ale toje, što maŭčać nie vypadaje, upeŭnienaja.
«Kali pasłuchać pradstaŭnikoŭ ułady, to zakon nibyta nichto i nie parušaje, — havoryć spadarynia Maryna. — Ale kali zirnuć na toje, što adbyvajecca, —niešta tam robicca niapravilna».
Mnohija miascovyja žychary, a taksama mienčuki, u svoj čas nabyli ziamlu ŭ Baraŭlanach i zbudavali tam damy. Adnak ciapier na miescy lesu zaplanavanaja daroha i razhalinavanaja infrastruktura. Ludzi padazrajuć miascovyja ŭłady ŭ karupcyjnych suviaziach z pryvatnymi budaŭničymi kampanijami.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary