Ułady Ukrainy vysłali z krainy śpiecyjalnaha karespandenta VHTRK Tamaru Niersiaśjan. Apieratar, jaki byŭ razam ź joj, zastaŭsia va Ukrainie, jaho šukajuć.
Žurnalistku i apieratara ŭnieśli ŭ bazu sajta «Miratvorac». Niersiaśjan zabaranili ŭjezd va Ukrainu na try hady. Słužba biaśpieki krainy abvinavaciła jaje ŭ tym, što jana ŭjaŭlaje «pahrozu cełasnaści ŭkrainskaj dziaržavy».
Tamaru Niersiaśjan zatrymali ŭviečary 14 žniŭnia, advieźli na ŭkrainska-rasijskuju miažu i vysadzili kala pahranpierachodu.
Heta nie pieršy vypadak. U kancy lipienia ŭłady Ukrainy vypravadzili z krainy žurnalistku Maryju Kniazievu, jakaja pracuje na telekanałach «Rasija-1» i «Rasija-24». Kijeŭ paličyŭ, što karespandent vykarystała atrymanuju va Ukrainie infarmacyju dla «tendencyjnaha aśviatleńnia situacyi».
Kab abmiežavać upłyŭ rasijskaj prapahandy va ŭmovach uzbrojenaha kanfliktu na uschodzie, va Ukrainie zabaronienyja efiry telekanałaŭ «Rasija», «Rasija 24», Pieršaha kanała, NTV, Russia Today, LifeNews, «Zorka» i inšych.
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca10
Kamientary