U Łatvii vypuskniki škoł 9-ch i 12-ch kłasaŭ buduć zdavać ekzamieny tolki na łatyšskaj movie. Źmieny zakranuć i škoły nacyjanalnych mienšaściaŭ, u tym liku ruskamoŭnych. Vyklučeńnie składajuć ekzamieny pa moŭnych pradmietach. Pra heta havorycca ŭ paviedamleńni, apublikavanym na sajcie Ministerstva adukacyi Łatvii.
Da hetaha času vučni 9-ha kłasa mahli vybirać, na jakoj movie atrymlivać ekzamienacyjnyja materyjały i pisać adkazy. U 12-m kłasie ekzamienacyjnyja materyjały padavalisia tolki na łatyšskaj, adnak adkaz možna było davać na nacyjanalnaj movie.
U Minadukacyi Łatvii taksama ličać, što poŭny pierachod da zdačy ekzamienaŭ na łatyšskaj movie dazvolić školnikam bolš efiektyŭna vučycca ŭ prafiesijnych navučalnych ustanovach i intehravacca na rynku pracy.
Zaraz u Łatvii pražyvaje kala dvuch miljonaŭ nasielnictva, kala 40% ź jakich ličać ruskuju svajoj rodnaj movaj. Adzinaj dziaržaŭnaj movaj krainy źjaŭlajecca łatyšskaja. Pavodle infarmacyi Ministerstva adukacyi Łatvii, z 2009 pa 2016 hod dola školnikaŭ, jakija žadajuć zdavać ekzamien na nacyjanalnaj movie, skaraciłasia z 40 da 15%.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary