Łukašenka skasavaŭ achoŭnuju zonu Paleskaha radyjacyjna-ekałahičnaha zapaviednika

Achoŭnuju zonu Paleskaha dziaržaŭnaha radyjacyjna-ekałahičnaha zapaviednika kasujuć. Alaksandr Łukašenka padpisaŭ taki ŭkaz, paviedamlaje pres-słužba prezidenta Biełarusi. Heta značyć, što vyroščvać sielhaspradukcyju, paśvić žyviołu možna budzie ŭščylnuju da radyjeaktyŭnaj zony.

Pavialičyć

Ukaz № 259 praduhledžvaje admienu achoŭnaj zony Paleskaha dziaržaŭnaha radyjacyjna-ekałahičnaha zapaviednika, skasavańnie jaje miežaŭ, płoščy i składu ziamiel. Meta — źniaćcie abmiežavańniaŭ pa vykarystańni ziamielnych učastkaŭ, jakija znachodziacca na terytoryi achoŭnaj zony.

Paviedamlajecca, što znaki radyjacyjnaj niebiaśpieki buduć raźmieščanyja niepasredna ŭ miežach zapaviednika.

Pa infarmacyi Savieta ministraŭ, hety ŭkaz budzie spryjać viadzieńniu haspadarčaj dziejnaści pablizu miežaŭ zapaviednika.

U paviedamleńni pres-słužby havorycca, što ŭkaz uzhadnili ŭsie zacikaŭlenyja dziaržaŭnyja orhany. Jon nie stvoryć pieraškod sistemnamu i ŭzhodnienamu pravavomu rehulavańniu adnosin, źviazanych z vykarystańniem prylehłych da Paleskaha dziaržaŭnaha radyjacyjna-ekałahičnaha zapaviednika (PDREZ) terytoryj, paviedamlaje pres-słužba Łukašenki.

Achoŭnaja zona PDREZ — heta kiłamietr ad miežaŭ zapaviednika na ziemlach Brahinskaha, Naraŭlanskaha, Chojnickaha, Mazyrskaha i Kalinkavickaha rajonaŭ. Jana patrebnaja, kab praduchilić raspaŭsiudžvańnie radyjenuklidaŭ za miežy zapaviednika. U achoŭnaj zonie zabaraniali palavać i siejać sielhaskultury, jakija mohuć zavabić dzikich žyvioł z zapaviednika.

Płošča samoha Paleskaha zapaviednika ciapier — 216 093 hiektary. Jon byŭ stvorany ŭ kancy 1980-ch, paśla Čarnobylskaj avaryi. Na hetych terytoryjach — tracina «čarnobylskaj spadčyny», jakaja vypała na ziemli Biełarusi: 30% ceziju, jašče 70% stroncyju, i 97% płutoniju.

Nahadajem, u siaredzinie červienia kiraŭnik Biełarusi pabyvaŭ u Paleskim zapaviedniku. Tady paviedamlali, što častku ziamiel mohuć pazbavić zapaviednaha statusu, «bolš aktyŭna ŭciahnuć u haspadarčy abarot». U razmovie z TUT.BY adrazu niekalki surazmoŭcaŭ vykazali zdahadku, što havorka moža iści ab achoŭnaj zonie. Vidy na hetyja ziemli paćvierdzili ŭ Brahinskim i Naraŭlanskim rajonach.

Pry hetym namieśnik staršyni Naraŭlanskaha rajvykankama Dźmitryj Maksimienka adznačaŭ, što ŭ achoŭnaj zonie jość ziemli z uzroŭniem radyjacyi, jakija pieravyšajuć i 40 kiury na kvadratny kiłamietr. Tam zabaroniena znachodzicca ludziam, stajać pakazalniki, miescy paznačanyja. Ale jość terytoryi ź mienšym uzroŭniem zabrudžvańnia: ad 1 da 5 kiury (dazvalajecca zbor hryboŭ i jahad z abaviazkovym radyjacyjnym kantrolem) i ad 5 da 15 kiury (zbor jahad i hryboŭ zabaronieny, možna znachodzicca tolki ŭ lesie).

Čytajcie taksama: Łukašenka choča haspadarčaha vykarystańnia Čarnobylskaj zony: «Navat u žachlivym śnie nie mahli ŭjavić toje, što ciapier adbyvajecca»

• 0
• 0
• 0
• 0
• 0
• 0
• 0
• 0