Paśla niekalkich telefanavańniaŭ u ŽES № 8 i ŽEA Savieckaha rajona na praciahu dźviuch dzion, urešcie źjaviŭsia padvypiły santechnik i skazaŭ, što pavietra ŭ trubach heta «narmalna», a potym ščyra pryznaŭsia, što nia viedaje što rabić, bo jon navučaŭsia nie na santechnika, a na kuchara... Z pošty Redakcyi.
Pažyvieš na Biełarusi, dyk dzivicca albo-čamu nia budzieš. Bo, jak-to kažuć, tut "mahčyma ŭsio". Tak i jość. Ale ž toj vypadak, što adbyŭsia ŭ niadzielu 24 žniŭnia, usio ža ž vyklikaŭ ździŭleńnie, bo nikoli dahetul takoha jašče čuć nie davodziłasia.
Užo troje sutak, jak u domie № 25, korpus 1 pa Łahojskim trakcie prablemy z vadoju. Paśla niekalkich telefanavańniaŭ u ŽES № 8 i ŽEA Savieckaha rajona na praciahu dźviuch dzion, urešcie źjaviŭsia padvypiły santechnik (dyk to jak zaŭždy) i skazaŭ, što pavietra ŭ trubach heta «narmalna», a potym ščyra pryznaŭsia, što nia viedaje što rabić, bo jon navučaŭsia nie na santechnika, a na kuchara... i pačaŭ hladzieć plomby na ličylnikach vady. A na pytańnie, «što ž jon tady tut robić?» adkazaŭ: «Treba ž niejak hrošy zarablać». Vidać to j kuchar ź jaho nijaki, kali pajšoŭ pracavać u ŽES santechnikam, bo popyt na kucharaŭ pakul što jość, i zarablać možna značna bolej.
Voś taki cikavy adbyŭsia vypadak. Telefanavać u ŽES bolej nie advažyŭsia: a što, kali zamiest majstra albo inžynera tam pracuje niejki balerun, ci navat kasmanaŭt?
P.S. U toj dzień paśla čatyroch hadzinaŭ haračaja vada źnikła kančatkova…
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary