Kanadski snajpier pastaviŭ rekord, zabiŭšy ŭ Iraku bajevika z adlehłaści 3 450 mietraŭ, paviedamiła vydańnie Globe and Mail. U kamandavańni vojskaŭ śpiecyjalnaha pryznačeńnia Kanady paćvierdzili infarmacyju, ale admovilisia raskryvać detali, piša VVS.
Pavodle źviestak Globe and Mail, vajskoviec 2-j abjadnanaj apieratyŭnaj hrupy streliŭ u bajevika hrupoŭki «Isłamskaja dziaržava» sa snajpierskaj vintoŭki McMillan TAC-50.
Kula pralacieła 10 siekund pierš čym trapić u cel, adznačaje hazieta.
Pa słovach krynicy vydańnia va ŭzbrojenych siłach Kanady, hety streł «faktyčna sarvaŭ napad bajevikoŭ ID na irakskija siły biaśpieki».
«Heta było vielmi dakładnaje prymianieńnie siły. Snajpier byŭ nastolki daloka, što kiepskija chłopcy prosta nie mahli zrazumieć, što adbyvajecca», — skazaŭ surazmoŭca haziety, dadaŭšy, što śmierć bajevika była zafiksavanaja na videa.
«Heta nievierahodnaje majsterstva. Heta suśvietny rekord, jaki, mahčyma, nikoli bolš nie budzie pabity», — padkreśliła krynica.
Papiaredni rekord naležyć brytanskamu snajpieru Krejhu Charysanu, jaki zastreliŭ bajevika hrupoŭki «Taliban» z adlehłaści 2 tys. 475 mietraŭ. Heta adbyłosia ŭ 2009 hodzie ŭ Afhanistanie.
Pavodle danych JBM Ballistics, kuli, vypuščanyja Charysanam sa snajpierskaj vintoŭki L115A3 Long Range Rifle, dasiahnuli celi prykładna praz šeść siekund.
U 2015 hodzie Charysan napisaŭ aŭtabijahrafičnuju knihu «Samaje doŭhaje zabojstva» (The Longest Kill), u jakoj, u pryvatnaści, raspavioŭ, što pakutuje ad posttraŭmatyčnaha stresavaha razładu.
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika88
Kamientary