Jeŭrapiejski parłamient pazbaviŭ Maryn Le Pen deputackaha imunitetu. Rašeńnie źviazanaje z sudovym pracesam suprać lidara francuzskich krajnich pravych sił, paviedamlaje Radyjo Polšča.
Lidera «Nacyjanalnaha frontu» abvinavačvajuć u paklopie ŭ dačynieńni da mera Nicy Kryścijana Estrazi. U mai 2015 hoda Le Pien abvinavaciła jaho ŭ finansavańni Sajuza isłamskich arhanizacyjaŭ Francyi. Na jaje dumku, ab hetym śviedčyła źnižeńnie apłat, jakija pastupajuć ad miascovaj miačeci. Na pytańnie žurnalista ab tym, ci aznačaje heta, što Estrazi źjaŭlajecca saŭdzielnikam džychadzistaŭ, Le Pen adkazała śćviardžalna.
Pa słovach jeŭradeputataŭ, pazbaŭleńnie Maryn Le Pen deputackaha imunitetu nie aznačaje pasłableńnia jaje pazicyi na vybarach u Nacyjanalnuju asambleju.
Nahadajem, 14 červienia ŭ suviazi z rasisckimi vykazvańniami deputackaha imunitetu byŭ pazbaŭleny baćka Maryn — Žan-Mary Le Pen.
Kamientary