Mytnaja słužba KNR zatrymała ŭ mižnarodnym aeraporcie Šanchaja žycharku adnoj z krain paŭdniova-ŭschodniaj Azii, jakaja sprabavała ŭvieźci ŭ krainu dźvie valizki, zroblenyja z kakainu, piša VVS.
Jak paviedamiła ahienctva Sińchua sa spasyłkaj na pradstaŭnikoŭ aeraporta, žančyna, imia jakoj było ŭ śpisie padazravanych u datyčnaści da narkahandlu, prylacieła z Paŭdniovaj Amieryki.
Padčas pravierki mytniki zaŭvažyli, što valizki pry prachodžańni praz renthienaŭski aparat vyhladali bolš ciomnymi. Padazreńni ŭzmacnilisia, kali valizki spustošyli i ŭzvažyli: navat budučy pustymi, jany važyli bolš za 10 kiłahramaŭ.
U vyniku ekśpiertyzy vyśvietliłasia, što valizki byli zroblenyja pa asablivaj technałohii — suśpienzija na asnovie kakainu źmiešvajecca z aćviardžalnikam i pad ciskam zalivajecca ŭ śpiecyjalnuju formu.
Kakain, zamaskiravany pad valizki, byŭ znojdzieny ŭ aeraporcie Šanchaja jašče ŭ lutym, ale aficyjna pra heta było paviedamlena tolki ciapier. Jak zajaŭlaje kitajskaja mytnaja słužba, hety vypadak nie maje precedentaŭ.
Zhodna z kitajskim zakanadaŭstvam, kantrabanda bolš za 50 hramaŭ kakainu moža karacca śmiarotnym pakarańniem.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary