U babrujskim klubie «Spadarožnik», častkaj jakoha jość vajskova-spartovy klub «Patryjot», paćvierdzili, što Mikałaj Michalkoŭ ad učorašniaha dnia viarnuŭsia da svajoj pracy.
«31 traŭnia ŭ nas była narada ŭ haradzkim Centry tvorčaści dziaciej i moładzi, — skazała kiraŭnica «Spadarožnika» Halina Simanava. — Na naradu pryjšoŭ Mikałaj, paviedamiŭ nam, što zdymajuć usie abvinavačańni ź jaho i syna Jana. My ŭsie ŭzradavalisia, abdymali jaho, całavali. Jon padziakavaŭ za padtrymku, što nia kinuli jaho, skazaŭ, što rady viarnucca da pracy. A jak my jaho kiniem? Jon cudoŭny pedahoh, my ŭsie čakali jaho viartańnia, spadziavalisia na chutčejšaje skančeńnie hetkich raptoŭnych vyprabavańniaŭ. Tak što ciapier Mikoła prystupiŭ da pracy ŭ našym klubie».
U červieni na bazie «Spadarožnika» adčyniajecca letni lahier «Eŭryka», ciapier rychtujecca prahrama zaniatkaŭ i ekskursij. Mikałaj Michalkoŭ taksama budzie zaniaty ŭ hetaj spravie. Što tyčycca lasnoha namiotavaha lahiera «Bryhantyna», dzie prachodzili letnija zaniatki klubu «Patryjot» i jaki Łukašenka achryściŭ «lahieram bajevikoŭ u lasach pad Asipovičami», jon taksama dziejničaje. Ciapier supracoŭniki zaniatyja papaŭnieńniem techničnaj bazy. I kali ŭ minułyja hady siudy pryjaždžali pa 20 padletkaŭ, ciapier čakajecca 35.
«Nivodzin z «Patryjota» nie syšoŭ, — kaža Halina Simanava. — Usie chłopcy i dziaŭčaty byli pastajanna z nami na suviazi, usie čakali viartańnia svajho nastaŭnika».
Mikałaju dahetul nie viarnuli ni telefon, ni aŭtamabil, ni navat pašpart. Jak jon skazaŭ kaleham, pry vyzvaleńni ź SIZA jaho pryvieźli na vakzał, nabyli za 6 rubloŭ kvitok i pasadzili ŭ ciahnik. Tak jon apynuŭsia ŭ rodnym Babrujsku.
«Narešcie hety čas minuŭ, — kaža spadarynia Halina. — Heta ž było jak strašny son: voś 23 sakavika, zapluščvaješ vočy, raspluščvaješ — i nibyta 24 sakavika. Tolki niedzie miž hetym tyja strašnyja dva miesiacy».
-
Cichanoŭskaja zaklikała Estoniju pravodzić roźnicu pamiž biełarusami i rasijanami
-
Anžalicy Mielnikavaj vydali pašpart prykryćcia na imia Anhieliny Radzivonavaj?
-
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ
Kamientary