Heta leta ŭ Biełarusi čakajecca krychu ciaplejšaje, čym zvyčajna, paviedamiŭ BIEŁTA načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Dźmitryj Rabaŭ.
«Leta ŭ 2017 hodzie čakajecca krychu ciaplejšaje, čym zvyčajna, siaredniesiezonnaja tempieratura pavietra na bolšaj častcy budzie na paŭhradusy, a pa paŭdniova-zachodniaj pałavinie na hradus vyšejšaja za normu (norma — plus 16,8). Kolkaść apadkaŭ čakajecca mienšaja za normu (norma 244 mm). Apadki na praciahu siezona buduć raźmiarkoŭvacca nieraŭnamierna», — raskazaŭ sinoptyk. Pavodle słoŭ Dźmitryja Rabava, liŭnievyja daždžy hetym letam niaredka buduć supravadžacca navalnicami, škvałami, a časam i hradam.
«Čakajecca ŭ letni pieryjad i śpioka: jaje nam zabiaśpiečać błakirujučyja antycykłony, jakija nie buduć puskać u krainu vilhotnyja pavietranyja masy. Prahnazujecca niekalki pieryjadaŭ haračyni praciahłaściu nie bolš za tydzień. U suviazi z hłabalnym paciapleńniem tak zvanyja błakirujučyja antycykłony stali źjaŭlacca čaściej, mienavita jany ŭtrymlivajuć u nas suchoje i haračaje nadvorje letam. Pry hetym ustanaŭlivajecca vysokaja i nadzvyčajnaja pažaraniebiaśpieka», — papiaredziŭ Dźmitryj Rabaŭ.
Samaje ciopłaje leta nazirałasia ŭ 2010 hodzie, kali ŭ siarednim pa krainie tempieratura pavietra za siezon dasiahnuła plus 20,6 hradusa i ŭsie letnija miesiacy byli ciaplejšyja, čym zvyčajna, asabliva červień ź siaredniamiesiačnaj tempieraturaj pavietra plus 22,6. Jon staŭ samym ciopłym miesiacam za ŭvieś pieryjad nazirańniaŭ (na 4,8 hradusa vyšej za klimatyčnuju normu). Samy daždžlivy letni siezon, z kolkaściu apadkaŭ 335 mm, byŭ u 1998 hodzie. Mienš za ŭsio — 111 mm apadkaŭ — nazirałasia za leta 1992 hoda.
Dźmitryj Rabaŭ taksama raskazaŭ, jakoje nadvorje čakajecca ŭ kožnym letnim miesiacy. Tak, u červieni siarediaja miesiačnaja tempieratura pavietra na bolšaj častcy krainy prahnazujecca na 0,5 hradusa, a pa zachadzie na 1 hradus vyšejšaja za klimatyčnuju normu (norma 15-17 hradusaŭ ciapła). Ale pry hetym miesiačnaja kolkaść apadkaŭ čakajecca mienšaja za klimatyčnuju normu (norma 69-87 mm).
Siaredniaja miesiačnaja tempieratura pavietra ŭ lipieni prahnazujecca na bolšaj častcy na 1 hradus vyšejšaja za klimatyčnuju normu, a pa paŭnočnym uschodzie - na 0,5 hradusa (norma 17-19 hradusaŭ vyšej za nul). Miesiačnaja kolkaść apadkaŭ čakajecca mienšaja za siarednija šmathadovyja značeńni (norma 74-97 mm).
Siaredniaja miesiačnaja tempieratura pavietra ŭ žniŭni taksama prahnazujecca na 1 hradus vyšejšaja za klimatyčnuju normu (klimatyčnaja norma plus 16-17 hradusaŭ). Miesiačnaja kolkaść apadkaŭ miarkujecca ŭ miežach siarednich šmathadovych značeńniaŭ, pa paŭdniovaj pałavinie bolšaja za normu (klimatyčnaja norma 62-89 mm).
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5656
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz56
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary