Łukašenka: Zadańni na CT užo sioleta buduć całkam adpaviadać školnaj prahramie
Zadańni na centralizavanym testavańni dla pastupleńnia ŭ VNU ŭžo sioleta buduć całkam adpaviadać školnaj prahramie. Pra heta zajaviŭ Alaksandr Łukašenka siońnia na sustrečy sa školnikami «Moładź. Pohlad u budučyniu».
«My siońnia pracujem nad testavańniem, kab jaho nablizić da školnaj prahramy. Užo sioleta novy ministr paabiacaŭ mnie, što absalutna ŭsie testy buduć aryjentavanyja na školnyja prahramy. Sioleta jany buduć absalutna adpaviadać školnaj prahramie», — zapeŭniŭ kiraŭnik dziaržavy.
Jon adznačyŭ, što raniej dla składańnia testaŭ zaprašali pradstaŭnikoŭ navukovych kołaŭ, jakija rabili heta na svaim uzroŭni. «I my atrymali, što ŭsie našy piedahohi (vašy nastaŭniki) letam stanavilisia repietytarami. I vy pačynali vyzubryvać. Nie vučycca čamuści, łahična dumać, a zubryć, kab adkazać na tyja ci inšyja testy. Takoha być nie pavinna», — skazaŭ Łukašenka.
Jon taksama zajaviŭ, što ŭ niejkaj stupieni ad testaŭ admoviacca, asabliva heta datyčycca pastupleńnia na tvorčyja śpiecyjalnaści.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary