U biełaruskich transpłantołahaŭ moža źjavicca čarhovy vip-pacyjent: adzin z samych viadomych suśvietnych biźnies-kansultantaŭ, 79-hadovy Icchak Adyzes napisaŭ u svaim akaŭncie ŭ Facebook, što adnoj z metaŭ jaho pajezdki ŭ Biełaruś budzie kansultacyja ab tym, ci mahčymaja pierasadka jamu nyrki.
Dyrektar Respublikanskaha navukova-praktyčnaha centra transpłantacyi Aleh Rumo nie paćvierdziŭ, ale i nie abvierh zvarot Adyzesa da minskich śpiecyjalistaŭ.
Doktar Icchak Kałderona Adyzes — adzin z najviadomiejšych biźnies-kansultantaŭ, bliskučy śpiecyjalist u halinie efiektyŭnaha kiravańnia. Zasnavalnik Instytuta Adyzesa, jaki ŭvachodzić u top-10 kansałtynhavych kampanij śvietu. 26 maja ŭ Minsku jon biare ŭdzieł u bujnym forumie pa kiravańni kampanijami.
Adyzes — aŭtar knih-bestseleraŭ «Kiravańnie žyćciovym cykłam karparacyj»; «Idealny kiraŭnik. Čamu im nielha stać i što z hetaha vynikaje»; «Kiravańnie ŭ epochu kryzisu. Jak zachavać klučavych ludziej i kampaniju ŭ cełym» i inš.
U mnohich krainach jość uzrostavyja abmiežavańni dla recypijentaŭ donarskich orhanaŭ. Tamu, u pryvatnaści, u Minsku apieravaŭsia eks-kiraŭnik Masada Mieir Dahan.
Kamientary