Prezident Ukrainy Piatro Parašenka zaprasiŭ Alaksandra Łukašenku ździejśnić letam aficyjny vizit va Ukrainu. Pra heta kiraŭnik ukrainskaj dziaržavy zajaviŭ siońnia žurnalistam pa vynikach pieramoŭ ź biełaruskim lidaram, pieradaje BIEŁTA.
Pavodle słoŭ Parašenki, ciapier biełaruskamu i ŭkrainskamu bakam treba budzie raspracavać paradak dnia i padrychtavać nieabchodnyja dakumienty, padpisańnie jakich budzie sadziejničać pašyreńniu supracoŭnictva pamiž dziaržavami.
U svaju čarhu kiraŭnik Biełarusi raskazaŭ, što ŭ čas pieramoŭ dasiahnutaja damoŭlenaść aktyvizavać rabotu mižuradavaj kamisii. «Tut daviadziecca vielmi šmat papracavać śpiecyjalistam i ekśpiertam, tamu što letam my majem namier u Kijevie pravieści čarhovuju sustreču, na jakoj prymiem rašeńnie pa tych pytańniach, pa jakich namiečany płany», — adznačyŭ jon.
Kamientary