Vybuch u mietro Sankt-Pieciarburha paćviardžaje, što terarystyčnaja situacyja nie palapšajecca, usie krainy SND źjaŭlajucca patencyjalnymi abjektami terarystyčnych atak. Pra heta zajaviŭ siońnia prezident Rasii Uładzimir Pucin na sustrečy z kiraŭnikami delehacyj ChIV pasiadžeńnia Narady kiraŭnikoŭ orhanaŭ biaśpieki i raźviedvalnych słužbaŭ dziaržaŭ — udzielnic SND.
«My bačym, što situacyja, na žal, nie palapšajecca. I samaje lepšaje paćviardžeńnie taho - niadaŭnija trahičnyja padziei ŭ Sankt-Pieciarburhu. U vyniku terarystyčnaha akta zahinuli ludzi, šmat paciarpiełych», — skazaŭ rasijski lidar.
«My viedajem, što kožnaja z našych krain, praktyčna kožnaja, źjaŭlajecca mahčymym, patencyjalnym abjektam terarystyčnych atak. Šmat i inšych pahroz dla našych krain», — dadaŭ jon.
Akramia teraryzmu, pavodle słoŭ Pucina, hałoŭnymi pahrozami biaśpiecy ŭ krainach SND źjaŭlajucca arhanizavanaja złačynnaść, narkatrafik, a taksama karupcyja i ŭździejańnie źniešnich sił na ŭnutrypalityčnuju situacyju.
«Šmat i inšych pahroz dla našych krain. Heta i arhanizavanaja złačynnaść, i narkatrafik. Heta, darečy kažučy, i karupcyja, heta i ŭździejańnie źniešnich sił, jakija, tak ci inakš, sprabujuć paŭpłyvać na raźvićcio ŭnutrypalityčnych situacyj u našych krainach», — skazaŭ Pucin.
Ciapier čytajuć
Usie čakali padzieńnia cen, ale ničoha padobnaha! Jak za hod źmianilisia ceny na kvatery ŭ Minsku i inšych bujnych haradach6
Kamientary