Za rulom była pjanaja dziaŭčyna, pobač — 17-hadovy chłopiec. Paśla jany pamianialisia miescami — detali načnoj pahoni VIDEA
Padčas načnoj pahoni dziasiatak ekipažaŭ DAI nie moh spynić BMV z pjanymi maładzionami. Padrabiaznaści incydentu raspavioŭ «Našaj Nivie» Siarhiej Zaranik, načalnik adździeła ahitacyi i prapahandy minskaha DAI.
«Usio pačałosia z taho, što na darozie supracoŭniki DAI zaŭvažyli BMV, jaki kala 2 hadziny nočy jechaŭ pa Prytyckaha ź vidavočnym pieravyšeńniem chutkaści. Jany ŭklučyli majački i sirenu na słužbovaj mašynie, pa hučnaj suviazi chacieli spynić mašynu. Kiroŭca patrabavańnie nie vykanaŭ, - raskazaŭ Zaranik. — Za styrnom była dziaŭčyna, 19 hadoŭ. Na pasažyrskim miescy — 17-hadovy chłopiec».
Pačałasia pahonia. Padčas ruchu paračka pamianiałasia miescami — ciapier aŭto vioŭ 17-hadovy chłopiec.
Vidavočcy kazali, što ŭ vyniku za BMV jechała 14 milicejskich mašyn, u DAI nazyvajuć ličbu ŭ 9-10.
«Za horadam była stralanina. Chacieli spynić BMV, stralali pa kołach, ale nie dało vyniku, bo kali ekipaž DAI jechaŭ pobač, kab było zručna stralać u pakryški, kiroŭca namahaŭsia źbić słužbovuju mašynu. A paśla BMV iznoŭ ujechaŭ u horad, a ŭ horadzie my nie stralajem», - patłumačyŭ Zaranik.
Takim čynam, BMV pamiaŭ dźvie mašyny daišnikaŭ.
U vyniku paračka na BMV spyniłasia «sama» — kiroŭca nie spraviŭsia i ŭjechaŭ u bardziurny kamień, źbiŭšy darožny znak, jaki raźbiŭ łabavoje škło mašyny.
«Čutki, što daišniki padbili mašynu svajoj — biezpadstaŭnyja. Chacieli b padbić, to padbili b jašče za horadam. Kiroŭca sam pry pavarocie nie spraviŭsia z mašynaj».
Pa słovach Zaranika, i chłopiec, i dziaŭčyna minčuki. Mašyna naležała baćkam adnaho ź ich.
Chłopiec byŭ ćviarozy. Dziaŭčyna — u stanie ałkaholnaha apjanieńnia, u kryvi znajšli 0,74 pramile. Ciapier jany zatrymanyja, raspačata bolš za 10 administratyŭnych materyjałaŭ.
Ciapier čytajuć
Dla kaho sabralisia budavać vielizarny vantavy most u Minsku?3
Kamientary