Rasijskija miljardery, vybuch u Samali, kociki dy inšaje aktualnaje: jak «rajonki» aśviatlali masavyja pratesty ŭ rehijonach
Užo niekalki dzion usia Biełaruś havoryć pra pratesty suprać padatku na «darmajedaŭ».
Pačynajučy ad piatnicy, badaj na kožnaj kuchni dy ŭ kožnym aŭtobusie luboha horada abmiarkoŭvali minski Marš — jon sabraŭ try tysiačy ŭdzielnikaŭ dy miljon prahladaŭ na Youtube za sutki.
Praz dva dni, u niadzielu, da pratestaŭ dałučylisia abłasnyja harady: amal zapoŭnili centralnuju płošču hamielčuki, sotni vyjšli ŭ Mahilovie, sotni ŭ Hrodnie.
Što kazać, kali schod niekalkich tysiač i dla stalicy — Padzieja, to dla abłasnych haradoŭ — zvyšpadzieja.
U hetaj situacyi źviartaje ŭvahu, pra što pišuć dziaržaŭnyja «rajonki» u momant, kali niedziaržaŭnyja ŚMI štohadzinu fiksujuć rekordy naviedvalnaści z rehijanalnych IP-adrasoŭ.
Tak, u infarmacyjnaj karcinie dnia sajta dziaržaŭnaj haziety «Homielskaja praŭda» nie znajšłosia miesca artykułu pra sacyjalny vybuch u horadzie. Zamiest hetaha ŭ raździele navin źjavilisia paviedamleńni pra padryŭ aŭtamabila ŭ samalijskim (!) Mahadyša i pra aryšt jachty rasijskaha miljardera ŭ Madahaskary (!). U supołcy haziety «UKantakcie» źjaŭlalisia dopisy z kocikami ŭ čas, kali niekalki tysiač hamielčukoŭ mitynhavali na płoščy.
Inšaja hazieta — «Homielskija viedamaści» — zaścierahła čytačoŭ ad mocnaha vietru ŭ paniadziełak i zaachvociła pryniać udzieł u konkursie kvitkoŭ na kancert «narodnych artystaŭ Rasii».
Astatnija homielskija dziaržaŭnyja vydańni za vychodnyja publikacyjami ŭ internecie nie adznačalisia.
Što da Mahilova, to nivodny sajt dziaržaŭnych haziet pra šeście niezadavolenych trecim dekretam nie napisaŭ, paličyŭšy za lepšaje naviny pra vyniki konkursaŭ na lepšaje kaladnaje azdableńnie i dziciačyja ekskursii.
Anałahičnaje maŭčańnie i na navinavych sajtach Hrodna dazvalaje zrabić vysnovy, nakolki dziaržaŭnyja rehijanalnyja ŚMI adlustroŭvajuć intaresy hramadstva, dziela jakoha pracujuć.
Darečy, kali brać bujnyja sajty, to vyhlad, byccam by ŭ krainie ničoha nie adbyvajecca, rabiŭ tolki «Anłajnier» — «Biełta» i «Sovietskaja Biełoruśsija» pra maršy niazhodnych z ekanamičnaj palitykaj uładaŭ ścisła, ale paviedamili.
Čytajcie taksama: Tysiačy ludziej vyjšli ŭ Homieli na marš pratestu: «Nie dekretu numar try! Łukašenka, uchadzi!» FOTA, VIDEA
Čytajcie taksama: U Minsku niekalki tysiač čałaviek vyjšli na Marš aburanych biełarusaŭ
Čytajcie taksama: Na Maršy «darmajedaŭ» było ŭsiaho 3 tysiačy, a ŭ internecie jaho za sutki prahledzieŭ miljon!
-
«Pastavili na ličylnik jašče ŭ turmie». Ihar Karniej raskazaŭ, čym skončyłasia historyja z sudovymi vykanaŭcami i štrafami
-
87 rubloŭ zarobku i asablivyja ŭmovy dla niekatorych studentaŭ. Vykładčyk BDUIR źviarnuŭsia da Łukašenki
-
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?8
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8686
Kamientary