Rasija pryznała sapraŭdnymi «dakumienty», jakija śviedčać asobu, vydadzienyja tak zvanymi ŭładami «DNR» i «ŁNR», paviedamlaje UNIAN.
Dadzieny ŭkaz padpisaŭ rasijski prezident Uładzimir Pucin. U dakumiencie adznačajecca, što jon padpisany «ŭ metach abarony pravoŭ i svabod čałavieka i hramadzianina» sa spasyłkaj na «ahulnapryznanyja pryncypy i normy mižnarodnaha humanitarnaha prava». Akramia pašpartoŭ, pryznanyja sapraŭdnymi «dakumienty», jakija śviedčać asobu, dakumienty ab adukacyi i (abo) ab kvalifikacyi, paśviedčańni ab naradžeńni, zaklučeńni (skasavańni) šlubu, źmienie imia, ab śmierci, paśviedčańni ab rehistracyi transpartnych srodkaŭ, rehistracyjnyja znaki transpartnych srodkaŭ.
Va ŭkazie Pucina śćviardžajecca, što «pašparty» «D/ŁNR» pryznajucca nibyta časova, da ŭrehulavańnia situacyi na Danbasie.Taksama na padstavie hetych psieŭdadakumientaŭ dazvalajecca ŭjezd u Rasiju.
«Hramadzianie Ukrainy i asoby biez hramadzianstva, jakija pastajanna pražyvajuć na terytoryjach asobnych rajonaŭ Danieckaj i Łuhanskaj abłaściej Ukrainy, mohuć ažyćciaŭlać ŭjezd u Rasijskuju Fiederacyju i vyjezd z Rasijskaj Fiederacyi biez afarmleńnia viz na padstavie dakumientaŭ, jakija śviedčać asobu (niepaŭnaletnija dzieci va ŭzroście da 16 hadoŭ — na padstavie paśviedčańnia ab naradžeńni), vydadzienych adpaviednymi orhanami, faktyčna dziejučymi na terytoryjach nazvanych rajonaŭ», - havorycca ŭ dakumiencie.
Raniej vydańnie RBK praviało rasśledavańnie, u chodzie jakoha vyśvietliłasia, što ŭładalniki «pašpartoŭ» «DNR» i «ŁNR» mohuć karystacca pasłuhami rasijskaj čyhunki, avijakampanij i hatelaŭ.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary