Расія прызнала сапраўднымі «дакументы», якія сведчаць асобу, выдадзеныя так званымі ўладамі «ДНР» і «ЛНР», паведамляе УНІАН.
Дадзены ўказ падпісаў расійскі прэзідэнт Уладзімір Пуцін. У дакуменце адзначаецца, што ён падпісаны «ў мэтах абароны правоў і свабод чалавека і грамадзяніна» са спасылкай на «агульнапрызнаныя прынцыпы і нормы міжнароднага гуманітарнага права». Акрамя пашпартоў, прызнаныя сапраўднымі «дакументы», якія сведчаць асобу, дакументы аб адукацыі і (або) аб кваліфікацыі, пасведчанні аб нараджэнні, заключэнні (скасаванні) шлюбу, змене імя, аб смерці, пасведчанні аб рэгістрацыі транспартных сродкаў, рэгістрацыйныя знакі транспартных сродкаў.
Ва ўказе Пуціна сцвярджаецца, што «пашпарты» «Д/ЛНР» прызнаюцца нібыта часова, да ўрэгулявання сітуацыі на Данбасе.Таксама на падставе гэтых псеўдадакументаў дазваляецца ўезд у Расію.
«Грамадзяне Украіны і асобы без грамадзянства, якія пастаянна пражываюць на тэрыторыях асобных раёнаў Данецкай і Луганскай абласцей Украіны, могуць ажыццяўляць ўезд у Расійскую Федэрацыю і выезд з Расійскай Федэрацыі без афармлення віз на падставе дакументаў, якія сведчаць асобу (непаўналетнія дзеці ва ўзросце да 16 гадоў — на падставе пасведчання аб нараджэнні), выдадзеных адпаведнымі органамі, фактычна дзеючымі на тэрыторыях названых раёнаў», - гаворыцца ў дакуменце.
Раней выданне РБК правяло расследаванне, у ходзе якога высветлілася, што ўладальнікі «пашпартоў» «ДНР» і «ЛНР» могуць карыстацца паслугамі расійскай чыгункі, авіякампаній і гатэляў.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося2
Каментары