Premjer-ministar Polščy Beata Šydła źjaviłasia ŭ efiry viačernich navin polskaha telebačańnia i supakoiła suhramadzian paviedamleńniem ab adsutnaści ŭ jaje ciažkich traŭmaŭ.
Palityk źviazałasia sa studyjaj praz smartfon i zajaviła pra toje, što ŭ jaje ŭsio dobra i chutka jana spadziajecca vyjści sa špitala, jak tolki dazvolać daktary.
Premier @BeataSzydlo w @WiadomosciTVP: chcę podziękować za wszystkie słowa otuchy, wsparcia, to naprawdę dodaje sił https://t.co/ZJtHcS3u9g
Beata Šydła trapiła ŭ aŭtamabilnuju avaryju ŭ piatnicu, 10 lutaha, u horadzie Aśviencim na poŭdni krainy. Staršynia Kabinetu ministraŭ Polščy nakiroŭvałasia z Varšavy na vychodnyja da domu. Na šlachu aŭtakalony, jakaja pieravoziła premjera, niečakana źjaviŭsia nievialiki lehkavy Fiat. Paźbiahajučy sutyknieńnia, kiroŭca ŭradavaj mašyny źviarnuŭ z trasy, u vyniku čaho aŭto z premjeram urezałasia ŭ dreva na abočynie.
U vyniku avaryi premjer-ministar atrymała lohkija traŭmy j hiematomy. Beata Šydła prajšła nieabchodnyja daśledavańni ŭ špitali Aśviencima, a paźniej była dastaŭlenaja na viertalocie medycynskaj avijacyi ŭ kliniku Varšaŭskaha vajennaha medycynskaha instytutu.
Vinavaty ŭ sutyknieńni z kartežam premjer-ministra Polščy — 21-hadovy mužčyna. Jamu pahražaje pazbaŭleńnie voli terminam da troch hadoŭ, paviedamlaje Radyjo Polšča.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku44
Kamientary