Zapusk balistyčnaj rakiety KNDR u Tokia i Vašynhtonie nazvali pravakacyjaj, jakaja adbyłasia padčas vizitu premjera Japonii Sindza Abe ŭ ZŠA i jaho pieramovaŭ z prezidentam Donaldam Trampam.
Hałoŭny sakratar kabinieta ministraŭ Japonii Josichide Suha zajaviŭ, što zapusk balistyčnaj rakiety, jaki ŭłady KNDR ažyćciavili padčas vizitu premjer-ministra krainy Sindza Abe ŭ ZŠA i jaho pieramovaŭ z prezidentam Donaldam Trampam, źjaŭlajecca pravakacyjaj suprać Japonii i krain rehijonu, paviedamlaje RBK sa spasyłkaj na Reuters.
U Biełym domie pusk rakiety taksama nazvali pravakacyjaj, adnak patłumačyli, što jon nie staŭ siurpryzam. Pry hetym administracyja Trampa razhladaje šyroki śpiektr mahčymych adkazaŭ na dziejańni Pchieńjana, až da ŭzmacnieńnia sankcyj i pavieličeńnia vajskovaj prysutnaści ŭ rehijonie.
Viadoma, što kala 7:55 ranicy pa miascovym časie KNDR ździejśniła zapusk rakiety, jak miarkujecca balistyčnaj. Jana, pa źviestkach ź Sieuła, pralacieła kala 500 kiłamietraŭ i ŭpała ŭ Japonskim mory, nie zrabiŭšy škody.
Madel rakiety i jaje charaktarystyki buduć viadomyja paśla apracoŭki ŭsioj infarmacyi ab zapusku, pry hetym amierykanskija vajennyja ŭdakładnili, što rakieta naŭrad ci była mižkantynientalnaj. Pavodle papiarednich źviestak ź Pientahona, KNDR zapuściła rakietu siaredniaj dalnaści.
U piatnicu, 10 lutaha Tramp i Abe praviali aficyjnyja pieramovy ŭ Biełym domie, paśla čaho adpravilisia ŭ Fłarydu, dzie pradoŭžyli razmovu ŭ chodzie hulni ŭ holf. Tramp zajaviŭ paźniej, što jany z Abe «cudoŭna bavili čas».
-
Hiermanija pieraaryjentuje svaju pramysłovaść z aŭtamabilnaha na abarončy siektar
-
«Prahresiŭnaja Bałharyja» ŭčystuju pieramahła na vybarach. Hienierał Radzieŭ supakojvaje: Praciahniem jeŭrapiejski šlach, ale krytyčna
-
Raźviedka Šviecyi: Ekanomika Rasii na miažy najhłybiejšaha kryzisu. Niajasna, ci Pucinu pra heta kažuć
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy68
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary