Amierykanski strateh raspavioŭ, jak Zachad adreahuje na «akupacyju» Biełarusi Rasijaj
Filip Pitersien, były analityk Raźviedvalnaha ŭpraŭleńnia Minabarony ZŠA, a ciapier vice-prezident Fonda «Patamak», raspavioŭ, što Zachad nie budzie vajavać za Biełaruś, adnak moža ŭvieści vielmi žorstkija sankcyi suprać Maskvy. Infarmacyju pra heta ŭ polskaj presie znajšoŭ biełaruski žurnalist Źmicier Hałko.
Fond vyvučaje pytańni hłabalnaj palityčnaj, vajennaj i ekanamičnaj stratehii, a Pitersien u im try hady zajmaŭsia prajektam «Palityka biaśpieki ŭ postsavieckich respublikach».
U kancy minułaha miesiaca Fond pravioŭ vajenna-palityčnuju hulniu «Hiehiemon», u jakoj udzielničali palityki i vajskoŭcy NATO, u tym liku były kamandujučy siłami NATO ŭ Jeŭropie hienierał Filip Brydłaŭ.
Siarod inšych scenaryjaŭ raźvićcia padziejaŭ u našym rehijonie, jak raspavioŭ polskamu vydańniu Pitersien, razhladaŭsia scenar pieravarotu ŭ Biełarusi, u vyniku jakoha Alaksandr Łukašenka hublaje ŭładu, a na čale krainy stanovicca całkam padkantrolnaja Maskvie fihura.
«Prychilnik Maskvy zatym zaprašaje rasijskija vojski. Kreml pačynaje vykarystoŭvać Biełaruś jak bazu dla hibrydnych dziejańniaŭ suprać Polščy i bałtyjskich krain. My nie možam hetaha dazvolić», — raspavioŭ Pitersien.
«Kaniešnie, my nie možam abaranić jaje (Biełaruś) vajennym čynam, adnak možam uvieści sankcyi, ale nie postfaktum i časova, jak u vypadku Ukrainy, a previentyŭna i pastajanna», — dadaŭ jon.
Pitersien zhadaŭ adklučeńnie Rasii ad sistemy bankaŭskich raźlikaŭ SWIFT.
«…Heta było b mahutnym udaram dla rasijskaj haspadarki. Biez SWIFT handal byŭ by paralizavany, što pryviało b da haspadarčaj błakady Maskvy, razareńnia rasijskaj elity, ludziej Pucina», — dadaŭ jon.
Pa jahonych słovach, Rasija pavinna być aŭtamatyčna adklučanaja ad SWIFT u vypadku maskoŭskaj akupacyi Biełarusi, i tolki vyzvaleńnie Biełarusi ad rasijskich vojskaŭ budzie ŭmovaj źniaćcia sankcyj.
«My nie fanaty Łukašenki. Nie ličym Biełaruś demakratyčnaj dziaržavaj i viedajem, što tam niama svabodnych vybaraŭ. Ale biełarusy nikoli nie buduć mieć ani pieršaha, ani druhoha, kali straciać niezaležnaść», — skazaŭ Pitersien.
«Rasijcy pavinny zrazumieć, što jany albo buduć hrać pa mižnarodnych praviłach, albo buduć mieć spravu z nastupstvami. Vybar za imi i tolki za imi. Heta samaje lepšaje, što my možam zrabić dla harantavańnia mižnarodnaj biaśpieki», — adznačyŭ analityk.
-
Tramp zajaviŭ, što Pucina nie zaprašali na G20 u Majami, ale jahony ŭdzieł byŭ by karysny
-
U Polščy buduć sudzić 12 dropieraŭ — jany davali svaje rachunki machlaram dla vyvadu hrošaj. Siarod ich jość i biełarusy
-
U Tehieranie nie chapaje hrošaj, pakupnikoŭ u kramach niama, a pahroza vajny nie adstupaje
Ciapier čytajuć
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču25
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz4949
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz49
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4949
Kamientary