Šatłandka čatyry hady rabiła kałažy z fotazdymkami nieznajomca, vydajučy jaho za svajho bojfrenda
Džył Šarp z šatłandskaha horada Ejdry niekalki hadoŭ rabiła vyhlad, što znachodzicca ŭ stasunkach z mužčynam. 31-hadovaja dziaŭčyna rabiła kałažy sa svaich fatahrafij i zdymkaŭ nieznajomca, jakoha jana znajšła ŭ fejsbuku, a zatym vykładvała ich u sacsietki. Pra heta piša Mieduza sa spasyłkaj na Daily Record.
Padman raskryli siabry Šarp. Jany i padzialilisia historyjaj z žurnalistami.
Pa ich słovach, čatyry hady tamu Džył raspaviała, što paznajomiłasia z mužčynam pa imi Hrem MakKiej. Dziaŭčyna časta zhadvała pra toje, jak jany baviać čas, vykładvała sumiesnyja fatahrafii i pierapisvałasia ź im u tvitary. Šarp navat zajaviła, što jany zaručanyja i paženiacca ŭ červieni. Ale za ŭsie čatyry hady jaje siabry tak i nie pabačylisia z MakKiejem.
«Jana viała niejmaviernaje žyćcio ŭ sacyjalnych sietkach, ale nichto nie bačyŭ jaje ź im, i heta było jak minimum dziŭna», — raspavioŭ siabar Šarp.
Padazreńni siabroŭ ŭzmacnilisia paśla taho, jak Šarp vykłała ŭ tvitar fatahrafii z pajezdki ŭ Łondan. Na zdymkach, zroblenych la Viestminsterskaha abactva, było roznaje nadvorje — Šarp stajała na suchoj plitcy i kala jaje nie było ludziej, u toj čas jak na fatahrafii z Hremam byŭ doždž i turysty.
Pryjacieli Šarp znajšli sapraŭdnaha Hrema Makieja ŭ tvitary. Jon nie viedaŭ pra isnavańnie Džył Šarp — dziaŭčyna stvaryła fejkavy akaŭnt ź jaho imiem i pierapisvałasia sama z saboj.
Taksama vyśvietliłasia, što sapraŭdny MakKiej zaručany i razam sa svajoj dziaŭčynaj napisaŭ zajavu ŭ palicyju. Adnak palicyjanty nie znajšli składu złačynstva ŭ dziejańniach Šarp.
U razmovie z žurnalistami Šarp admaŭlała abvinavačvańni siabroŭ i śćviardžała, što nie razumieje, pra što idzie havorka. Paśla raskryćcia padmanu sama Šarp, jaje siabry, Hrem MakKiej i jaho niaviesta vydalili svaje akaŭnty ŭ sacyjalnych sietkach.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary