30 studzienia polski Instytut nacyjanalnaj pamiaci apublikavaŭ kala 8,5 tysiačy proźviščaŭ supracoŭnikaŭ SS, jakija pracavali ŭ kancłahiery Aŭšvic, paviedamlaje Radyjo Polšča.
«Heta histaryčny dzień. Hetaja baza — tolki pačatak. My pačali z łahiera śmierci Aŭšvic, ale ŭ budučyni baza budzie papaŭniacca proźviščami supracoŭnikaŭ SS, jakija pracavali ŭ inšych nacysckich kancłahierach», — zajaviŭ na pres-kanfierencyi ŭ Krakavie dyrektar INP Jarasłaŭ Šarek.
Jon padkreśliŭ, što prezientacyja bazy z proźviščami źjaŭlajecca adkazam na vykarystańnie vyrazu «polskija łahiery śmierci». «Raz niechta kaža pra «polskija kancłahiery», to voś, kali łaska, — my pakazvajem supracoŭnikaŭ łahiera, kamandu SS. Bolš za toje, my zrabili hety śpis dastupnym u internecie, čaho raniej nichto nie zrabiŭ», — dadaŭ Šarek.
Apublikavanaja instytutam baza ŭtrymlivaje nie tolki asabistyja źviestki, ale i fatahrafii, a taksama sudovyja prysudy supracoŭnikam SS.
Niekalki čałaviek, jakija ŭvajšli ŭ śpis, da hetaha času žyvyja.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary