Takaja navacyja praduhledžanaja prajektam zakona «Ab uniasieńni dapaŭnieńniaŭ i źmianieńniaŭ u zakon Biełarusi ab fizičnaj kultury i sporcie», jaki razhladaŭsia siońnia na pašyranym pasiadžeńni Pastajannaj kamisii pa achovie zdaroŭja, fizičnaj kultury, siamiejnaj i moładzievaj palitycy Pałaty pradstaŭnikoŭ, paviedamlaje BiełTA.
Prajekt zakona razam z parłamientaryjami abmierkavali pradstaŭniki Ministerstva sportu i turyzmu. Namieśnik ministra Alaksandr Dubkoŭski raspavioŭ, što adna z navacyj zakranie spartsmienaŭ, jakija prachodziać padrychtoŭku ŭ śpiecyjalizavanych spartyŭnych ustanovach i vučyliščach alimpijskaha reziervu za košt biudžetu. Havorka idzie pra tych, chto nie maje prafiesijnaha kantraktu, nie źjaŭlajucca štatnym rabotnikam nacyjanalnych kamand.
«Rehulujucca adnosiny, źviazanyja z padrychtoŭkaj i ŭdziełam u składach nacyjanalnych kamand u mižnarodnych spabornictvach. U vypadku admovy pradjaŭlajucca adpaviednyja patrabavańni i sankcyi, u tym liku finansavyja», — adznačyŭ namieśnik ministra. Zakonaprajektam praduhledžana, što ŭ hetym vypadku spartsmienam pryjdziecca pakryvać vydatki na svaju padrychtoŭku.
Pa słovach Alaksandra Dubkoŭskaha, takija vypadki raspaŭsiudžanyja ŭ hulniavych vidach sportu. «Spartsmien kirujecca asabistymi intaresami. Jon vykonvaje kantraktnyja abaviazacielstvy pierad zamiežnym kłubam. Ale zabyvajecca pra abaviazki pierad krainaj, jakaja jaho vychavała, dała mahčymaść demanstravać vyniki, za jakija jaho i pryciahvajuć mižnarodnyja kłuby», — padkreśliŭ namieśnik ministra.
Jon nahadaŭ, što pierśpiektyva ŭviadzieńnia ŭ Biełarusi tak zvanaha spartyŭnaha kantraktu abmiarkoŭvałasia na Alimpijskim schodzie NAK u 2012 hodzie.
Akramia taho, u zakonaprajekcie prapanujucca miery stymulavańnia spartsmienaŭ, zbornych kamand za košt stypiendyj, jakija im buduć pryznačać miascovyja ŭłady. Płanujecca taksama ŭvieści ŭ Biełarusi instytut spartyŭnych ahientaŭ, jakija buduć dapamahać spartsmienam realizoŭvać svaje pravy, źviazanyja z prafiesijnaj dziejnaściu. Zakonaprajektam ustanaŭlivajucca ich status, pravy i abaviazki, paradak rehistracyi. Papraŭki ŭ zakon ab fizkultury i sporcie rychtujucca da razhladu ŭ pieršym čytańni.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary