Miastečka Ivianiec z 18 da 20 lipienia stanie miescam sustrečy z Papam Benedyktam XVI pry dapamozie telemostu z Aŭstralii.
Moładź z usiaho śvietu kožnyja niekalki hadoŭ źbirajecca ŭ roznych krainach i na roznych kantynientach, kab jadnacca ŭ malitvie razam z Papam.
Sioleta Suśvietny dzień moładzi adbudziecca ŭ Sidnei (Aŭstralija). Ź Biełarusi ŭ joj budzie prymać udzieł hrupa moładzi ź niekalkich čałaviek na čale z Hienieralnym vikaryjem Minska‑Mahiloŭskaj archidyjacezii biskupam Antonijem Dziamjankam.
Pakolki ŭ dalokuju Aŭstraliju zmahła pajechać abmiežavanaja kolkaść biełaruskaj moładzi, a achvotnych pieražyć Suśvietnuju sustreču moładzi razam z Papam Benedyktam XVI u sotni razoŭ bolš, było vyrašana arhanizavać svoj ułasny «biełaruski Sidnej». Im stała miastečka Ivianiec (60 km ad Minska) na terytoryi Minska‑Mahiloŭskaj archidyjacezii.
«Biełaruski Sidnej» z 18 da 20 lipienia stanie sapraŭdnym miescam malitvy, radaści i sustrečy z Papam Benedyktam XVI. Maładyja ludzi zmohuć sustrecca ź im z dapamohaj telemasta, jaki spałučyć Ivianiec i Sidnej. Adbudziecca dva pramych uklučeńni: u subotu 19 lipienia a 11.00 hadzinie, kali adbudziecca vihilija razam sa Śviatym Ajcom, i a 2.00 hadzinie ŭnačy 20 lipienia, kali Papa budzie celebravać uračystuju Liturhiju, pramović kazańnie, a taksama abvieścić datu i miesca praviadzieńnia nastupnaha Suśvietnaha dnia moładzi. Śpiecyjalna dla hetaha budzie ŭstanoŭleny vialiki śvietadyjodny ekran.
Admietnaściu sioletniaha dnia moładzi stanie kancert z udziełam znakamitych chryścijanskich muzyčnych kalektyvaŭ z Polščy («Arka Noego» i «2 Tm 2, 3») i Biełarusi («Niebaschił», «Ave», «Ruach» i inš.). Dla jaho budzie pabudavana vialikaja scena i zabiaśpiečany prafiesijnyja huk i śviatło.
Kožnaja dyjacezija (u Biełarusi ich 4) padrychtavała svaju prezientacyju. Formy prezientacyj roznyja: pačynajučy ad muzyčnaj i zakančvajučy vizualnaj.
Padčas Miždyjacezijalnaha dnia moładzi ŭ Iviancy adbuducca taksama admysłovyja katechiezy. Adnu ź ich pramović da biełaruskaj moładzi Mitrapalit Tadevuš Kandrusievič.
Śviatuju Imšu 19‑ha lipienia a 19.00 hadzinie budzie celebravać kardynał Kazimir Śviontek, a zaklučnuju śviatuju Imšu 20‑ha lipienia — arcybiskup Tadevuš Kandrusievič.
Adnoj z admietnaściaŭ duchoŭnaj častki sustrečy stanuć śviedčańni, jakija pramović moładź z roznych dyjacezij, ab svaim šlachu da Chrysta.
Na praciahu ŭsioj sustrečy śpiecyjalnaja hrupa ź niekalkich dziesiatkaŭ čałaviek budzie sačyć za paradkam. Moładź budzie zabiaśpiečana načlehami i ježaj. Darečy, kuchniaj buduć zajmacca vajennasłužačyja z susiedniaj vajskoŭcy
Na vypadak niespryjalnaha nadvorja na placy kala kaścioła pastaŭleny dva vialikija šatry (kožny prykładna na paŭtary tysiačy čałaviek).
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić4040
Kamientary