9 śniežnia kłasiku biełaruskaj litaratury Maksimu Bahdanoviču spoŭnicca 125 hod. Ruch «Za Svabodu» zaklikaje ŭ hety dzień pryjści da pomnika paetu i pryniać udzieł u litaraturnych čytańniach, paviedamlaje pres-słužba ruchu.
Zbor udzielnikaŭ akcyi zapłanavany 9 śniežnia ŭ 19.00, paviedamiŭ siabra minskaj haradskoj rady ruchu Aleś Słavinski. Pa jahonych słovach, zapłanavana, što kožny žadajučy pračytaje svoj ulubiony vierš paeta, potym da pomnika ŭskładuć kvietki, zapalać źnički.
«Biełaruskaja dziaržava musić ušanoŭvać nacyjanalnych hierojaŭ, vybitnych piśmieńnikaŭ, tych asobaŭ, jakija paspryjali stanaŭleńniu biełaruskaj nacyi. Zamiest hetaha jany zacyklilisia na padziejach čužoj historyi. U krainie źjaŭlajucca novyja pomniki Lenina, praciahvajecca śviatkavańnie dataŭ, jakija nie majuć adnosinaŭ da biełaruskaj historyi, volna sabie adčuvajuć prapahandysty ruskaha mira», - zaznačyŭ staršynia ruchu «Za svabodu» Juraś Hubarevič.
«Nabližajecca čarhovy jubilej, adnak nie viadoma pra śviatkavańnie hetaj daty na dziaržaŭnym uzroŭni. Kali ŭłady ničoha nie robiać, to hramadskaść musić uziać heta ŭ svaje ruki i nahadać pra 125-hodździe Bahdanoviča biełarusam. Mienavita tamu my płanujem pryjści da pomnika, uskłaści kvietki, zapalić śviečki», - zaznačyŭ Hubarevič.
Ciapier čytajuć
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie7
Ryta Dakota ŭpieršyniu raspaviała, za što biełaruskija siłaviki schapili jaje maci ŭ 2022 hodzie
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3535
Kamientary