Pamiatajecie 19-hadovaha chłopca, jaki handluje rečami ŭ nacyjanalnym styli? Jon prapanuje kaladnyja źnižki 20% na vyšyvanki i majki z «Pahoniaj»
Sioleta «Naša Niva» pisała pra 19-hadovaha Vadzima, jaki razam sa svaim baćkam adčyniŭ kramu «Darečy», jakaja śpiecyjalizujecca na rečach u nacyjanalnym styli.
Praz paŭhoda my znoŭ sustrelisia z haspadarom kramy, kab jon raspavioŭ pra nabyty dośvied i pieršyja vyniki biznesu.
«Paśla publikacyi na NN pačało pastupać vielmi šmat zamovaŭ. Ludzi pryjazdžali i z ZŠA, i ź Jeŭropy. U kramu pačali prychodzić pakupniki, jakija paśla publikacyi materyjału vyrašyli padtrymać nas», — dzielicca ŭražańniami Vadzim.
«My pašyryli asartymient. Ciapier u nas źjaviłasia adzieža ad LSTR (pa toj ža canie, što i ŭ aficyjnaha dylera), biełaruskija šapki dla łaźni,
vyšymajki, vyšyvanki našaj ułasnaj vytvorčaści,
lnianyja zaplečniki z arnamientam i «Pahoniaj», miatliki i halštuki, nalepki, šmat suviernirnaja pradukcyi — ad kubkaŭ i kielichaŭ da myła i mahnitaŭ na ladoŭniu».
Vadzim choča zrabić adziežu z nacyjanalnaj atrybutykaj bolš dasiažnaj:
«My pahladzieli, što heta samy papularny tavar — vyšymajki i majki z «Pahoniaj». Tamu vyrašyli, što na ich my zrobim źnižku. U nas vyšymajki možna nabyć za 18 rubloŭ, a majki z «Pahoniaj» za 20 rubloŭ, zamiest 25-ci. Aproč taho, źnižka — 15 rubloŭ zamiest 18-ci — dziejničaje na cišotki ź vieršami biełaruskich paetaŭ».
Akcyja sa źnižkami praciahniecca i ŭvieś studzień.
Vadzim robić biznes razam z baćkam.
Małady pradprymalnik płanuje pašyrać asartymient i dalej: užo jość damova z kikbaksioram i muzykam Vitalom Hurkovym na prodaž jaho kalekcyi sakołak «Naša Voźmie».
Kamientary