Kiraŭnik jeŭrapiejskaha łaŭkostaraŭ Ryanair Majkł O'Liry zajaviŭ, što ŭ bližejšaje dziesiacihodździe kvitki na avijarejsy kampanii mohuć stać biaspłatnymi. Pra heta jon zajaviŭ, vystupajučy na kanfierencyi Airport Operators Association u Łondanie.
«Zadača, jakaja staić pierad nami ŭ budučyni, zaklučajecca ŭ tym, kab praciahvać źnižać košt kvitkoŭ», — pryvodzić jaho słovy The Guardian. «Jak mnie bačycca, u bližejšyja piać-dziesiać hadoŭ avijabilety ŭ Ryanair buduć biaspłatnymi. U hetym vypadku ŭsie rejsy buduć zapoŭnienyja i my budziem atrymlivać hrošy, dzielačy z aeraportami vyručku, atrymanuju ad pasažyraŭ, jakija robiać pakupki ŭ kramach aeraportaŭ», - dadaŭ jon.
O'Liry rastłumačyŭ, što ciapier jeŭrapiejskija aeraporty vychodziać z usio bolš pryvabnymi prapanovami da avijakampanii. U dalejšym skaračeńnie abo admiena roznych zboraŭ, jakija ciapier prychodzicca apłačvać avijakampanii, dazvolić u kančatkovym vyniku zrabić avijabilety biaspłatnymi.
«Miarkuju, heta adbudziecca», - skazaŭ O'Liry. «Nie adbudziecca ŭ Chitroŭ abo ŭ inšych bujnych aeraportach, ale ŭ mnohich bolš drobnych aeraportach, chto zacikaŭleny ŭ pryroście pasažyrapatoku, hety praces užo pačynaje adbyvacca, źnižeńnie zboraŭ aeraporta i niekatorych inšych taksaŭ», - skazaŭ jon.
-
U Krupskim rajonie treci tydzień šukajuć źnikłuju žančynu. Pošuki vyjšli na masavy ŭzrovień
-
Siłaviki stvaryli ŭ sacsietkach akaŭnt ad imia pamierłaj babuli dobraachvotnika, jaki zmahajecca za Ukrainu
-
«Z zaradkami ŭsio z samaha pačatku pajšło nie tak». Biełarus raskazaŭ, jak jeździŭ na elektrakary ź Minska ŭ Taškient
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary