Minabarony Rasii: ZŠA paprasili prabačeńnia za zbližeńnie z rasijskim samalotam nad Siryjaj
Minabarony Rasii zajaviła, što VPS ZŠA paprasili prabačeńnia za niebiaśpiečnaje zbližeńnie samalotaŭ dźviuch krain nad Siryjaj, jakoje mieła miesca 17 kastryčnika. Pientahon paviedamlaŭ pra hety incydent, ale pra vybačeńni ničoha skazana nie było.
Pa słovach aficyjnaha pradstaŭnika ministerstva abarony Rasii Ihara Kanašenkava, 17 kastryčnika ŭ rajonie siryjskaha horada Dejr-ez-Zor ekipaž amierykanskaha raźviedvalnaha samalota AWACS parušyŭ praviły biaśpieki i dapuściŭ niebiaśpiečnaje zbližeńnie na adlehłaść mienš za 500 mietraŭ z rasijskim źniščalnikam Su-35.
Kanašenkaŭ padkreśliŭ, što Pavietrana-kaśmičnyja siły Rasiei zahadzia apaviaścili amierykanskich kalehaŭ pra usie detali zapłanavanaha palotu Su-35, a paśla incydentu zapatrabavali tłumačeńniaŭ i atrymali prabačeńni.
Pry hetym jon adznačyŭ, što ŭ cełym pamiž lotčykami dźviuch krain «naładžana dastatkova efiektyŭnaje ŭzajemadziejańnie».
U minułuju piatnicu 28 kastryčnika kamandujučy siłami VPS ZŠA na Blizkim Uschodzie Džefry Charyhan u intervju Si-en-en skazaŭ, što ŭ hetym incydencie dva samaloty «ź ciažkaściu razyšlisia» ŭ niebie nad Siryjaj.
Pa słovach Charyhana, rasijski Su-35 supravadžaŭ rasijski ž «samalot-špijon»; amierykanski piłot pasprabavaŭ źviazacca z rasijskim piłotam źniščalnika, ale toj nie adkazaŭ.
Pavodle Si-en-en, na nastupny dzień amierykanskija vajennyja źviazalisia z rasijskimi, kab razabracca ŭ tym, što zdaryłasia. Ale tyja, pa viersii Pientahona, skazali, što rasijski piłot nie viedaje pra incydent.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary