Pieršaja sieryjnaja savieckaja atamnaja bomba RDS-4 źjaviłasia na alei hierojaŭ Savieckaha Sajuzu ŭ maskoŭskich Kuźminkach, paviedamlaje miascovaja prefiektura
Aleja była adkrytaja ŭ vieraśni hetaha hoda da Dniu horada ŭ skviery imia hieroja Savieckaha Sajuza Fiodara Palatajeva.
RDS-4 (taksama viadomaja jak 8U69 ci «Taćciana») - impłaziŭnaja atamnaja bomba, jakaja vykarystoŭvała płutonij-239. Upieršyniu była vyprabavanaja ŭ 1953 hodzie i była na ŭzbrajeńni da 1956 hoda. Masa bomby - 1.200 kh, mahutnaść vybucha - 28 kiłaton.
Taksama ŭ alei stajać viertalot Mi-8, tank T-80, branietransparcior BTR-60.
Adnak u Maskvie staić chutčej pomnik atamnaj bombie, a nie ekspanat siarod inšych uzoraŭ vajennaj techniki.
Mienavita bomba RDS-4 vykarystoŭvałasia padčas Tockich vučeńniaŭ u vieraśni 1954 hoda pad kiraŭnictvam maršała H.Žukava. Ličycca, što padčas vučeńniaŭ 45.000 žaŭnieraŭ i kala 10.000 miascovych žycharoŭ atrymali niebiaśpiečnyja dozy radyjoaktyŭnaha zaražeńnia.
Na vučeńniach adpracoŭvaŭsia nastup vojsk praz zonu atamnaha ŭdara, jaki vykarystoŭvaŭsia dla praryva varožaj abarony.
Padobnyja vajskovyja vučeńni pravodzilisia i ŭ ZŠA - apieracyi pad kodavym nazovam Desert Rock, adnak Tockija vučeńni adroźnivalisia mahutnaściu padarvanaj bomby ŭ spałučeńni z prachodam ničym nieabaronienych vojsk niepasredna praz epicentr i pralotam bajavoj aviacyi praz hrybavidnaje vobłaka vybuchu.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary