Bolš za 150 krain damovilisia skaracić vykarystańnie hidraftorvuhlarodaŭ, niehatyŭny ŭpłyŭ jakich na klimat, jak miarkujecca, u niekalki tysiač razoŭ horšy, čym dyjaksid vuhlarodu.
Hidraftorvuhlarody vykarystoŭvajucca ŭ asnoŭnym pry vytvorčaści chaładzilnikaŭ i kandycyjanieraŭ. Abjomy vykidaŭ hetych rečyvaŭ adnosna nievialikija, ale jany mohuć zastavacca ŭ atmaśfiery na sotni hadoŭ, «zamykajučy» ciapło ŭnutry atmaśfiery.
Damoŭlenaść ab skaračeńni vykarystańnia hidraftorvuhlarodaŭ dasiahnutaja ŭ stalicy Ruandy — Kihali. Zhodna z uhodaj, usie krainy padzialajucca na try hrupy.
Pieršaja hrupa ŭklučaje raźvityja krainy, u tym liku ZŠA i bolšaść jeŭrapiejskich dziaržaŭ. Jany pavinny skaracić vykarystańnie hidraftorvuhlarodaŭ na 10% da 2019 hoda i na 85% — da 2036 hodzie.
Druhaja i treciaja hrupy krain, jakija raźvivajucca, pierastanuć naroščvać vykarystańnie hidraftorvuhlarodaŭ da 2024 i 2028 hadach adpaviedna. Paśla hetaha jany pačnuć skaračać abjomy vykarystańnia hetych škodnych rečyvaŭ.
Vytvorcy chaładzilnikaŭ i kandycyjanieraŭ pačali vykarystoŭvać hidraftorvuhlarody paśla taho, jak byli zabaronienyja chłorftorvuhlarody.
Hetyja rečyvy razburali azonavy płast, i ich vyrašyli zamianić na hidraftorvuhlarody. Zamiena spracavała, ale paźniej vyśvietliłasia, što hidraftorvuhlarody zatrymlivajuć ciapło ŭ atmaśfiery ŭ niekalki tysiač razoŭ bolš efiektyŭna, čym dyjaksid vuhlarodu.
Vykidy hidraftorvuhlarodaŭ nievialikija, ale stabilna rastuć na 10-15% u hod, bo popyt na kandycyjaniery pavialičvajecca, asabliva ŭ krainach, jakija raźvivajucca.
Dziaržsakratar ZŠA Džon Kiery nazvaŭ dasiahnutaje ŭ Kihali pahadnieńnie «hihanckim krokam napierad».
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha3
Kamientary