Adnaznačnym favarytam u baraćbie za pasadu hienieralnaha sakratara AAN staŭ były premjer-ministr Partuhalii Antoniu Hutereš, zajaviŭ žurnalistam paśla čarhovaha raŭnda hałasavańnia stały pradstaŭnik Rasii pry AAN Vital Čurkin.
Pa słovach Čurkina, jaki ŭznačalvaje ciapier Radu Biaśpieki, u chodzie hałasavańnia ŭ sieradu ni adzin z 15 pradstaŭnikoŭ krain-siabroŭ Rady Biaśpieki nie vykazaŭsia suprać kandydatury Hutereša. Bolš za toje, tolki dva čałavieki ŭstrymalisia ad hałasavańnia, u toj čas jak 13 padtrymali partuhalca.
«Paśla siońniašniaha šostaha raŭnda hałasavańnia ŭ nas jość adnaznačny favaryt, i jaho imia — Antoniu Hutereš», — skazaŭ Čurkin žurnalistam u prysutnaści 14 svaich kaleh pa Radzie Biaśpieki.
Čakajecca, što kančatkova Hutereš budzie rekamiendavany Radaj Biaśpieki na pasadu hienieralnaha sakratara AAN ranicaj 6 kastryčnika. Čurkin vykazaŭ nadzieju, što zaćviardžeńnie kandydatury partuhalca projdzie chutka i budzie nasić užo, badaj, farmalny charaktar.
Pasiadžeńnie Rady Biaśpieki projdzie za začynienymi dźviaryma. Na im Huterešu budzie nieabchodna zaručycca padtrymkaj chacia b dzieviaci pradstaŭnikoŭ krain-siabroŭ i nie atrymać ni adnaho hołasu «suprać» ad piaci dziaržaŭ, jakija majuć prava vieta.
U hetym vypadku Rada Biaśpieki parekamienduje hienieralnaj asamblei AAN pryznačyć Hutereša novym hienieralnym sakratarom arhanizacyi. Mienavita Hienasambleja pavinna kančatkova zaćvierdzić jaho kandydaturu.
Antoniu Hutereš z samaha pačatku ličyŭsia favarytam u baraćbie za pasadu hienieralnaha sakratara AAN, jaki ŭ chutkim časie pakinie Pan Hi Mun. Z 2005 hoda jon pracavaŭ viarchoŭnym kamisaram AAN pa spravach biežancaŭ. U Partuhalii jon z 1995 pa 2002 hod uznačalvaŭ urad krainy.
Kamientary