Vizit prezidenta Kazachstana Nursułtana Nazarbajeva ŭ Biełaruś zapłanavany na 2017 hod, paviedamiŭ u sieradu pasoł u Minsku Jerhali Bulehienaŭ.
«U hetym hodzie ŭ płanach było ažyćciavić vizit našaha prezidenta ŭ Biełaruś, ale jon adkładzieny na nastupny hod. My rychtujemsia da hetaha vizitu», - skazaŭ Bulehienaŭ na bryfinhu dla žurnalistaŭ.
Jon adznačyŭ, što pa vynikach vizitu pavinny być padpisany peŭnyja prajekty. «Nad hetym zaraz abodva baki pracujuć», - skazaŭ pasoł.
Apošni aficyjny vizit Nazarbajeva ŭ Biełaruś, pa słovach Bulehienava, adbyŭsia ŭ 2012 hodzie, a vizit biełaruskaha lidara Alaksandra Łukašenki ŭ Kazachstan — u 2013 hodzie. Dypłamat adznačyŭ, što prezidenty dźviuch krain rehularna sustrakajucca na placoŭkach roznych samitaŭ.
Kamientary