Na vokładcy Playboy upieršyniu źjavicca dziaŭčyna ŭ chidžabie
22-hadovaja amerykanskaja žurnalistka libijskaha pachodžańnia Nur Tahury źniałasia dla vokładki časopisu Playboy nie ŭ aholenym vyhladzie, a ŭ kiedach, štanach i skuranoj kurtcy. Jana zaklikaje žančyn da ścipłaści.
Tahury žyvie i pracuje ŭ amerykanskim štacie Zachodniaja Virdžynija — na radyjo CBS, telekanale CTV News i ŭ navinnym prajekcie Newsy. Pryčym jana stała pieršaj žurnalistkaj na nacyjanalnych amerykanskich telekanałach, jakaja źjaviłasia na ekranie ŭ chidžabie.
Kastryčnicki numar Playboy redakcyja źbirajecca pryśviacić ludziam, jakija parušajuć ahulnapryniatyja praviły i damahajucca svajho, niahledziačy na skandały i hramadzkaje asudžeńnie. Tahury źniałasia na vokładcy całkam apranutaj, u tradycyjnaj dla siabie skuranoj kurtcy i biełych kiedach. Jana, pa jaje słovach, źbirajecca raskazać u interviju pra toje, jak važna vieści siabie ścipła.
Siarod inšych asobaŭ, jakija źjaviacca ŭ numary — aktrysa Alaksandra Vonh, piśmieńnik Poł Bici i tancorka Stoja, jakaja pracavała ŭ pornabiznesie.
Tahury, vypusknica ŭniversyteta Meryłendu, ličycca adnym ź vialikich maładych talentaŭ u «novaj» amerykanskaj žurnalistycy. Taksama jana viadomaja jak aŭtar matyvacyjnych rolikaŭ i zorka Instahramu. Jana pračytała niekalki lekcyj na adukacyjnym partale TED, zaklikajučy ludziej nie chavać i nie saromiecca svajoj rasavaj, relihijnaj dy inšaj identyčnaści i zaŭsiody imknucca vykanać svaju maru. U jaje taki maraj było źjavicca na teleekranie ŭ chidžabie, i joj heta ŭpieršyniu ŭdałosia zrabić u 2012 hodzie, kali jana praviała pieradaču navinaŭ na telekanale ABC. Tahury kaža, što nia ŭsim jaje prychilnikam i znajomym spadabałasia jaje rašeńnie źniacca dla «Płejboja», i mnohija byli šakavanyja, ubačyŭšy na vokładcy eratyčnaha časopisa žančynu-musulmanku. Ale jana, pa jaje słovach, imkniecca nie źviartać uvahi na takuju reakcyju.
-
«U Vajnony Rajder vielizarnyja hrudzi. I jana pastajanna chacieła zajmacca kachańniem. Heta stamlała»
-
Ukrainskaja madel zhulała z hruzinskim biznesmienam viasielle ŭ Kanach na 5 miljonaŭ jeŭra. Viadučymi byli Jaŭhien Pierlin i Maksim Hałkin
-
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia
«I ŭpieršyniu prahučała: fašysty-łukašysty». Čarnobylski Šlach — 1996 va ŭspaminach vidavočcaŭ, jakija praź dziesiacihodździ paśla taho dnia stali mužam i žonkaju22
Kamientary