Praz dva miesiacy paśla naviny pra razvod z mužam Žaze Nuńjesam, raman ź jakim apisany ŭ biestselery «Jeści, malicca, kachać», piśmieńnica Elizabet Hiłbiert zrabiła jašče bolš niečakanuju zajavu: jana zakachanaja ŭ svaju daŭniuju siabroŭku, amierykanskuju piśmieńnicu siryjskaha pachodžańnia Raju Elijas, i ciapier jany partniorki. Pra heta Hiłbiert napisała na svajoj staroncy ŭ fejsbuku.
«My z Rajiej ciapier razam. Ja kachaju jaje, a jana kachaje mianie», — piša Hiłbiert. Jana taksama paćviardžaje, što mienavita pačućci da siabroŭki, jakuju jana zaŭsiody ličyła svajoj «rolevaj madellu» i «čałaviekam, jakomu daviaraje bolš za ŭsio», stali pryčynaj razvodu z Žaze. Hiłbiert tłumačyć, što ŭśviadomiła svaju zakachanaść paśla taho, jak uviesnu Rai dyjahnastavali rak padstraŭnikavaj załozy i piečani.
«Niešta zdaryłasia z maim sercam i rozumam paśla taho, jak my daviedalisia dyjahnaz Rai, — praciahvaje Hiłbiert. — Śmierć ci pierśpiektyva śmierci robić niavažnym usio, što źjaŭlajecca niesapraŭdnym, i ŭ hetaj prastory rezkaj i poŭnaj realistyčnaści ja sutyknułasia ź iścinaj: ja nie prosta lublu Raju, ja zakachanaja ŭ Raju. I ŭ mianie bolš niama času na admaŭleńnie hetaj iściny».
Pa słovach Elizabet, jany z Rajaj vyrašyli raskazać pra svoj raman, bo «iścina i prazrystaść» palehčać ich sumiesnaje žyćcio.
Elizabet Hiłbiert sustreła svajho byłoha muža Žaze Nuńjesa padčas padarožža na Bali, dzie jana šukała siabie paśla krachu svajho pieršaha šlubu. Mienavita sustreča z Žaze šmat hadoŭ tamu stała dla Elizabet adpraŭnym punktam da asabistaha ščaścia, a pieršy etap adnosin ź im byŭ padrabiazna apisany ŭ treciaj častcy ramana, vydadzienaha ŭ 2006 hodzie nakładam bolš za 10 miljonaŭ kopij. Elizabet i Žaze pabralisia šlubam u 2007 hodzie. Da hetaha z 1994 pa 2002 hod piśmieńnica była zamužam za Majkłam Kupieram.
-
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
-
«Dziaŭčaty, heta realna pracuje!» Niaviesta Pratasieviča raskazała, jak pryvaražyła budučaha muža čyrvonymi trusami
-
Janocicha Jasienija, jakaja nielehalna pryjechała z ZŠA, znajšła muža ŭ Baranavičach
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary