Vakoł Mirskaha zamka znojdzienyja ŭnikalnyja pradmiety, paviedamili ŭ pres-słužbie Nacyjanalnaj akademii navuk Biełarusi.
U Karelickim rajonie pobač ź Mirskim zamkam upieršyniu pravodziacca archieałahičnyja pošuki na miescy, dzie kaliści byŭ raźmieščany pałac Śviatapołk-Mirskich kanca XIX stahodździa. Raboty viaducca pad kiraŭnictvam starejšaha navukovaha supracoŭnika Instytuta historyi NAN Iryny Hanieckaj. Niečakana daśledčyki znajšli frahmienty budynka kanca XVI — pačatku XVII stahodździa, jakoha niama ni na adnoj histaryčnaj karcie.
U pracesie raboty vyjaŭleny ceły šerah važnych archieałahičnych pradmietaŭ. Tak, znojdzienyja frahmienty kafli, čarapicy, stałovaj kieramiki, a taksama cehła-palčatka, jakaja datujecca XVI-XVII stahodździami.
Rasčyščany padmurak byłoha doma kiraŭnika XIX stahodździa, a taksama leśvica. Jak raspaviała Iryna Hanieckaja, dadzienaja leśvica, imavierna, znachodziłasia ŭnutry pamiaškańnia. Zychodziačy z płanaŭ budynka pačatku XX stahodździa, pałac byŭ kryžapadobnaj simietryčnaj formy: hałoŭny korpus vyciahnuty, a z dvuch bakoŭ stajali prybudovy. Hetaja leśvica, chutčej za ŭsio, i źjaŭlajecca častkaj adnoj ź ich. Pałac Śviatapołk-Mirskich vyras, jak ciapier akazałasia, na bolš staražytnym padmurku.
U ciapierašni čas archieołahami vyvučanaja terytoryja bolš čym u 200 kv.m.
Staršynia Prezidyuma NAN Biełarusi Uładzimir Husakoŭ siońnia padčas znajomstva z vynikami raskopak padkreśliŭ važnaść pravodzimych archieałahičnych rabot i ich značeńnie dla zachavańnia historyi i kulturnaj spadčyny biełaruskaha naroda.
Dadzienyja archieałahičnyja pracy źjaŭlajucca pieršym krokam u realizacyi padpisanaj u śniežni 2015 hoda damovy ab supracoŭnictvie pamiž Instytutam historyi NAN Biełarusi i muziejem «Zamkavy kompleks «Mir».
Zamkavy kompleks «Mir» — unikalny pomnik nacyjanalnaj kultury Biełarusi. U 2000 hodzie Mirski zamak byŭ uklučany ŭ Śpis suśvietnaj kulturnaj i pryrodnaj spadčyny JUNIESKA.
Kamientary