Minenierha pryznała niaštatnuju situacyju pry ŭźviadzieńni biełaruskaj AEC: 330-tonny reaktar upaŭ
Ministerstva enierhietyki Biełarusi prakamientavała infarmacyju pra incydent, jaki, pavodle paviedamleńniaŭ ŚMI, adbyŭsia pry budaŭnictvie Biełaruskaj AES 10 lipienia.
«Pa infarmacyi hienieralnaha padradčyka AT «Atambudekspart», niaštatnaja situacyja adbyłasia na placoŭcy zachoŭvańnia korpusa reaktara pry praviadzieńni takiełažnych rabot pa jaho pieramiaščeńni ŭ haryzantalnaj płoskaści», — paviedamlaje Biełenierha.
U ministerstvie paviedamlajuć, što RUP «Biełaruskaja AES», jakaja źjaŭlajecca zakazčykam prajekta, nieadkładna zapatrabavała ŭ hienieralnaha padradčyka ŭsie nieabchodnyja dakumienty i źviestki. U ciapierašni čas pravodzicca analiz hetaj situacyi.
«Paśla ŭsiebakovaha vyvučeńnia biełaruskimi śpiecyjalistami pradstaŭlenaj AT «Atambudekspart» infarmacyi budzie prymacca adpaviednaje rašeńnie. Pry hetym biełaruski bok budzie, u pieršuju čarhu, kiravacca nieabchodnaściu biezumoŭnaha harantavańnia biaśpieki stancyi», — padkreślivajuć u ministerstvie.
Pa raniej raspaŭsiudžanaj biełaruskimi ŚMI infarmacyi, incydent na budplacoŭcy adbyŭsia 10 lipienia: pry trenirovačnaj ustanoŭcy reaktara 330-tonny ahrehat sarvaŭsia i ŭpaŭ z 2-4-mietrovaj vyšyni.
Biełaruski bok doŭhi čas nijak nie kamientavaŭ hetuju infarmacyju.
U toj ža čas hienieralny padradčyk budaŭnictva BiełAES — akcyjaniernaje tavarystva «Atambudekspart» paviedamiŭ, što «korpus reaktara znachodzicca za miežami reaktarnaha adździaleńnia. Techničnych pieraškod dla jaho ŭstanoŭki na štatnaje miesca niama».
Prezident Dala Hrybaŭskajcie zajaviła 26 lipienia ŭ Vilni, što aściarohi Litvy z nahody biaśpieki budaŭnictva atamnaj stancyi byli abhruntavanyja.
Jana taksama zajaviła, što kali Biełaruś nie prymie miery da harantavańnia mižnarodnych standartaŭ biaśpieki, to Litva razam ź mižnarodnaj supolnaściu pastarajecca pieraškodzić jaje dziejnaści.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy20
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary