Siońnia Pałata Pradstaŭnikoŭ pryniała ŭ druhi čytańni zakon «Ab Nacyjanalnym schodzie Respubliki Biełaruś». Unikalnaść hetaha dakumentu ŭ tym, što ad momantu svajho stvareńnia (paśla listapadaŭskaha referendumu 1996 hodu) biełaruski parlament pracavaŭ biez takoha zakonu.
Siońnia Pałata Pradstaŭnikoŭ pryniała ŭ druhi čytańni zakon «Ab Nacyjanalnym schodzie Respubliki Biełaruś». Unikalnaść hetaha dakumentu ŭ tym, što ad momantu svajho stvareńnia (paśla listapadaŭskaha referendumu 1996 hodu) biełaruski parlament pracavaŭ biez takoha zakonu.
Rychtavać jaho pačali jašče ŭ 1999 hodzie. Deputat Ivan Siemianienia, jaki pradstaŭlaŭ hety zakon, skazaŭ, što hałoŭnaj pieraškodaj dla pryniaćcia hetaha zakonu stała «žadańnie častki deputataŭ pašyryć svaje kantrolnyja paŭnamoctvy, vychodziačy za ramki Kanstytucyi».
Z vystupaŭ inšych deputataŭ možna było zrazumieć, što sapraŭdnaja praca nad hetym zakonam pačałasia tolki 2 hady tamu — paśla taho jak Alaksandar Łukašenka dazvoliŭ pašyryć kantrolnyja funkcyi parlamentu.
Pryniaty siońnia zakon faktyčna dadaŭ deputatam 2 novyja funkcyi. Jany atrymali prava razhladać kandydatury na pasadu ambasadaraŭ Biełarusi i «prymać rašeńni rekamendacyjnaha charaktaru». Jany taksama ciapier majuć prava na atrymańnie infarmacyi ab vykanańni zakonaŭ pra vykanańnie biudžetu, ale «ŭ miežach svajoj kampetencyi». Jak adznačyła deputatka Volha Abramava, «jak možna kazać pa pašyreńnie našych paŭnamoctvaŭ bieź źmianieńnia Kanstytucyi?»
Eŭrapiejskija parlamenckija struktury nieadnojčy adznačali, što paŭnamoctvy i funkcyi deputataŭ Nacyjanalnaha Schodu Biełarusi vielmi mocna abmiežavanyja i nie adpaviadajuć eŭrapiejskim standartam padziełu ŭładaŭ.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary