Admietna, što raskopki inicyjavaŭ prosty žychar Barysava.
Jak śćviardžajuć historyki, u časie znakamitaj pierapravy cieraź Biarezinu i padčas bajoŭ u Barysavie ŭ 1812 hodzie ahulnyja straty napaleonaŭskaha vojska składali dziasiatki tysiač čałaviek. Pavodle roznych krynic, ličba zahinułych vahajecca ad tryccaci da piacidziesiaci tysiač. Niamała ŭ tych bajach palehła j sałdat rasiejskaha vojska. Adnak za minułyja dva stahodździ nie była znojdziena nivodnaj mahiły, jakaja b adnosiłasia da taho peryjadu.
Tolki adnosna niadaŭny byli vypadkova znojdzienyja pareštki adnaho rasiejskaha sałdata ŭ rajonie Bryleŭskaha pola, jakija j byli ŭračysta pierapachavanyja letaś padčas śviatkavańnia čarhovaha jubileju bitvy na Biarezinie.
I voś upieršyniu na paŭnočnaj uskrainie Barysava, na terytoryi sanatoryja «Biarezina», voinami 52‑ha asablivaha pašukovaha bataljonu ŭzbrojenych siłaŭ Biełarusi było adkrytaje masavaje pachavańnie, jak miarkujecca, 1812 hodu. Pašukovyja pracy viaducca z 13 traŭnia j na siońnia znojdzienyja pareštki troch dziasiatkaŭ čałaviek. Pa spadarožnych znachodkach — huzikach ad munduraŭ i kuli kremnievaj strelby — možna zrabić papiaredniuju vysnovu, što heta brackaja mahiła sałdataŭ armii Napaleona.
Raskopki inicyjavaŭ žychar Barysava, rabočy AAT «Palimiz» Viačasłaŭ Klimkovič. Jak raskazaŭ spadar Viačasłaŭ karespandentu miascovaha radyjo, u dziacinstvie jon staŭ śviedkam taho, jak padčas pabudovy sanatoryja «Biarezina» ekskavatar vykuliŭ ziamlu z čałaviečymi kaściami. Budaŭniki, pavodle słoŭ Klimkoviča, abminuli hetaje miesca. Prajšło 27 hadoŭ, i barysaŭčanin daviedaŭsia pra isnavańnie pašukovaha bataljona j vyrašyŭ źviarnucca tudy j paviedamić pra tuju strašnuju znachodku.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma32
Kamientary