Rasijskaja viadučaja z «Biełaruś-5» skardzicca, što praz rusafobiju ŭ jaje sieŭ hołas
Padčas Jeŭra-2016 u kampaniju da Mikałaja Chadasieviča, jaki viadzie «Čas futboła» na «Biełaruś-5», uziali rasijskuju madel Alaksandru Navajevu.
Seksualnaja dziaŭčyna z zajzdrosnymi formami musiła pryciahnuć da prahramy bolšuju aŭdytoryju.
Ale ŭ Alaksandry nie atrymałasia — paśla stažyroŭki i niekalkich žyvych efiraŭ zastacca na kanale joj tak i nie prapanavali.
Pierad adjezdam rasijanki ź joj sustreŭsia žurnalist by.tribuna.com, jakomu taja abhruntavała pryčynu svaich niaŭdač.
Pavodle dziaŭčyny, dla jaje stali šokam žyvyja efiry — u pracy nie pad zapis dziaŭčyna hublałasia i tamu, maŭlaŭ, kiepska trymałasia ŭ kadry.
A voś pryčynaj svajho sieŭšaha hołasu Alaksandra nazvała rusafobiju biełaruskich zaŭziataraŭ i dadała, što ŭ chutkim časie siabroŭka zabaraniła joj čytać kamientary ŭ svoj adras u internecie.
«Jana skazała, što heta zabivaje maju psichiku. Ja zhodnaja ź joj. U zaŭziataraŭ čytajecca poŭnaja rusafobija. Mnie pisali šmat čaho kryŭdnaha. Pry hetym ja pryjechała ŭ Biełaruś pracavać biaspłatna. Sama zdymała kvateru dva tydni, traciłasia na žyćcio. Tamu, kali čytała ŭ kamientarach «UKantakcie» štości nakštałt «Navošta pryvieźli ŭ krainu hetuju ruskuju, biestałkovuju, tupuju, strašnuju ciołku, a jašče i zmarnavali na jaje biełaruskija babki», to było trochi kryŭdna. U apošnich efirach ja šmat maŭčała, bo na hlebie niervaŭ praz usiu hetuju rusafobiju ŭ mianie sieŭ hołas», — skazała Alaksandra.
Svoj pravał u Biełarusi dziaŭčyna nazvała dobrym dośviedam i ciapier płanuje skončyć kursy žurnalistyki ŭ Rasii i nadalej sprabavać patrapić u kadr.
-
Biełaruski trenier Alaksiej Špileŭski atrymaje $265 tysiač za zvalnieńnie z rasijskaha kłuba-aŭtsajdara
-
Chakieist minskaha «Dynama» Vital Pinčuk pajšoŭ hulać u NCHŁ. Łukašenka spadziavaŭsia, što jon nie «źbiažyć»
-
Futbolny kłub u Niderłandach dušeŭna pravioŭ na piensiju pračku, što myła futbołki hulcoŭ 27 hadoŭ
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy33
Kamientary