U Suchumi demanstranty, jakija patrabavali adstaŭki ministra ŭnutranych spraŭ niepryznanaj Abchazii, kinuli ŭ budynak MUS butelku z zapalnaj sumieśsiu.
U vyniku zahareŭsia kazyrok nad uvachodam u ministerstva. Milicyi ŭdałosia apieratyŭna patušyć ahoń.
Demanstranty taksama raspačali treciuju za dzień sprobu šturmu ministerstva. U vyniku pamiž pratestoŭcami i supracoŭnikami milicyi adbylisia sutyknieńni. Z abodvuch bakoŭ jość paciarpiełyja, ad špitalizacyi jany admovilisia.
Pavodle niepaćvierdžanych źviestak, u budynku MUS znachodzicca ministr Leanid Dzapšba, adstaŭki jakoha za paharšeńnie kryminahiennaj abstanoŭki ŭ rehijonie patrabujuć demanstranty. Ludzi, jakija sabralisia, skandavali: «Vychodź!», piša meduza.io.
Jak potym paviedamiŭ interniet-sajt Sputnik-Abchazija, prezident Abchazii Raul Chadžymba abviaściŭ u «metach niedapuščeńnia krovapralićcia» pra adchileńnie ad pasady Leanida Dzapšba na čas rasśledavańnia hienprakuraturaj akcyj pratestu apazicyi.
Na 10 lipienia ŭ Abchazii pryznačany refierendum ab daterminovych vybarach, apazicyja patrabuje jaho admianić. Na hałasavańnie vyniesiena pytańnie: «Ci ličycie vy nieabchodnym praviadzieńnie daterminovych vybaraŭ prezidenta respubliki Abchazii?»
***
23:53
Paśla taho, jak vice-prezident Abchazii Vital Habnia začytaŭ ŭkaz prezidenta Abchazii ab adchileńni Leanida Dzapšba ad zajmanaj pasady, udzielniki mitynhu la budynka MUS pačali razychodzicca, paviedamlaje Sputnik-abkhazia.ru.
Vykanańnie abaviazkaŭ ministra ŭnutranych spraŭ uskładziena na pieršaha namieśnika ministra ŭnutranych spraŭ Barysa Abitava.
U svaju čarhu prezident niepryznanaj bolšaściu krain Abchazii Raul Chadžymba nazvaŭ siońniašnija padziei sprobaj destabilizavać palityčnuju abstanoŭku.
«Toje, što siońnia adbyvajecca - heta sproba destabilizavać situacyju ŭ krainie, sabraŭšy tyja apazicyjnyja siły, jakija jašče, litaralna, niekatory čas tamu stavili pytańnie ab praviadzieńni refierendumu, i atrymali prava na jaho praviadzieńnie», - zajaviŭ Chadžymba.
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary