Padčas maštabnaj antyterarystyčnaj apieracyi palicyja Bielhii aryštavała 12 čałaviek, jakija padazrajucca ŭ płanavańni terarystyčnych aktaŭ.
U krainie pa-raniejšamu nadajuć pavyšanuju ŭvahu zabieśpiačeńniu biaśpieki paśla taho, jak try miesiacy tamu ŭ Brusieli prahrymieli vybuchi.
Aryštavanyja 12 čałaviek byli siarod 40, zatrymanych dla praviadzieńnia dopytaŭ. Palicyja viała pošuki ŭ 16 municypalitetach, u asnoŭnym vakoł Brusiela.
Fiederalny prakuror Bielhii zajaviŭ, što padčas apieracyi nie byli znajdzienyja zbroja abo vybuchovyja rečyvy.
Paviedamlajecca, što bielhijskaja palicyja atrymała papiaredžańnie ab tym, što bajeviki ID kala paŭtara tydniaŭ tamu nakiravalisia ź Siryi ŭ Jeŭropu. Pa źviestkach palicyi, jany mieli namier dabracca praz terytoryju Turcyi ŭ Hrecyju na čoŭnach.
Pry hetym, jak paviedamlaje bielhijskaja hazieta DH sa spasyłkaj na svaju krynicu ŭ pravaachoŭnych orhanach, bajeviki adpravilisia ŭ Jeŭropu biez pašpartoŭ, pad vyhladam biežancaŭ.
Kamientary