10 hadoŭ i 6 miesiacaŭ: vyniesieny prysud žančynie, jakaja 12 hadoŭ tamu vykinuła syna ŭ śmietnicu
Abvinavačanaja vysłuchała prysud, adviarnuŭšysia da ściany.
— Sudovaja kalehija pa kryminalnych spravach Bresckaha abłasnoha suda pastanaviła: pryznać vinavataj u zabojstvie zaviedama małaletniaha, jaki znachodziŭsia ŭ biezdapamožnym stanie, i pryznačyć pakarańnie ŭ vyhladzie pazbaŭleńnia voli terminam na 10 hadoŭ u kałonii ahulnaha režymu, — ahučyła prysud sudździa Śviatłana Kramianieŭskaja.
Sud pryniaŭ da ŭvahi častkovaje adbyćcio pakarańnia za minułaje złačynstva — pryčynieńnie ciažkich cialesnych paškodžańniaŭ sužycielu, za jakija žančynu sudzili ŭ 2015 hodzie. Z ulikam hetaha kančatkovy termin źniavoleńnia skłaŭ 10 hadoŭ i 6 miesiacaŭ.
Taksama sud pastanaviŭ spahnać z abvinavačvanaj 2,9 młn. za ekśpiertyzy i bolš za 4 młn. za pasłuhi advakata.
Abvinavačanaja vysłuchała prysud, adviarnuŭšysia da ściany. Paśla taho, jak sudździ pakinuli zału sudovych pasiadžeńniaŭ, da žančyny padyšła advakat, kab abmierkavać abskardžańnie prysudu. Taja pačała kryčać:
— Ja nie chaču, ničoha mnie ŭžo nie treba!
Za začynienymi dźviaryma zały suda jana doŭha kryčała i aburałasia tym, što na abviaščeńni prysudu prysutničała presa.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary