10 гадоў і 6 месяцаў: вынесены прысуд жанчыне, якая 12 гадоў таму выкінула сына ў сметніцу
Абвінавачаная выслухала прысуд, адвярнуўшыся да сцяны.
— Судовая калегія па крымінальных справах Брэсцкага абласнога суда пастанавіла: прызнаць вінаватай у забойстве заведама малалетняга, які знаходзіўся ў бездапаможным стане, і прызначыць пакаранне ў выглядзе пазбаўлення волі тэрмінам на 10 гадоў у калоніі агульнага рэжыму, — агучыла прысуд суддзя Святлана Крамянеўская.
Суд прыняў да ўвагі частковае адбыццё пакарання за мінулае злачынства — прычыненне цяжкіх цялесных пашкоджанняў сужыцелю, за якія жанчыну судзілі ў 2015 годзе. З улікам гэтага канчатковы тэрмін зняволення склаў 10 гадоў і 6 месяцаў.
Таксама суд пастанавіў спагнаць з абвінавачванай 2,9 млн. за экспертызы і больш за 4 млн. за паслугі адваката.
Абвінавачаная выслухала прысуд, адвярнуўшыся да сцяны. Пасля таго, як суддзі пакінулі залу судовых пасяджэнняў, да жанчыны падышла адвакат, каб абмеркаваць абскарджанне прысуду. Тая пачала крычаць:
— Я не хачу, нічога мне ўжо не трэба!
За зачыненымі дзвярыма залы суда яна доўга крычала і абуралася тым, што на абвяшчэнні прысуду прысутнічала прэса.
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»57
Каментары